नागपूर : जुन्या वादातून एका तरुणाचा लोखंडी रॉडने वार करुन खून केल्याची घटना वाडी पोलीस ठाण्यांतर्गत असलेल्या सूराबर्डी येथील शिवनगरी येथे घडली आहे. काल रविवारी मध्यरात्री ही घटना घडली. अमित प्रदीप आगरकर (वय २५, रा. शिवनगरी सुराबर्डी (तकिया), वडधामना) असं मृतकाचं नाव आहे. माहिती मिळताच पोलिसांनी तात्काळ घटनास्थळ गाठून आरोपी राहुल पुनीतराम जांघेल (वय २३, सुराबर्डी ग्रामपंचायत) याला अटक करण्यात आली आहे.
मिळालेल्या माहितीनुसार, आरोपी आणि मृतक दोघेही ड्रायव्हर आहे. गेल्या अनेक दिवसांपासून दोघांमध्ये काही कारणावरुन वाद सुरू होता. त्यामुळे याआधीही अनेकवेळा त्यांच्यात भांडण झाले होते. एक दोनदा हाणामारीही झाली होती. घटनेच्या दिवशी मृतक सुराबर्डी येथील शिवनगरी मैदानावर आपल्या मित्रासोबत बसून बोलत होता. दरम्यान, आरोपी राहूल हा घटनास्थळी पोहोचला आणि त्याने मृतक अमितकडू सिगारेट मागितली. यावर अमितने राहुलकडे पाहिले आणि यावर अमितने त्याला काही उत्तर दिले नाही. हे पाहून राहुल संतापला आणि त्याचा सोबत वाद घालण्यास सुरुवात केली.
मिळालेल्या माहितीनुसार, आरोपी आणि मृतक दोघेही ड्रायव्हर आहे. गेल्या अनेक दिवसांपासून दोघांमध्ये काही कारणावरुन वाद सुरू होता. त्यामुळे याआधीही अनेकवेळा त्यांच्यात भांडण झाले होते. एक दोनदा हाणामारीही झाली होती. घटनेच्या दिवशी मृतक सुराबर्डी येथील शिवनगरी मैदानावर आपल्या मित्रासोबत बसून बोलत होता. दरम्यान, आरोपी राहूल हा घटनास्थळी पोहोचला आणि त्याने मृतक अमितकडू सिगारेट मागितली. यावर अमितने राहुलकडे पाहिले आणि यावर अमितने त्याला काही उत्तर दिले नाही. हे पाहून राहुल संतापला आणि त्याचा सोबत वाद घालण्यास सुरुवात केली.
दरम्यान, आरोपीने अमितच्या डोक्यावर लोखंडी रॉडने वार केले. रक्ताच्या थारोळ्यात पडलेल्या अमितचा जागीच मृत्यू झाला. तर अमितच्या मित्र शुभमने त्याला रोखण्याचा प्रयत्न केला असता आरोपीने त्याच्यावरही हल्ला करून जखमी केले आणि त्याच्याजवळ असलेला फोन हिसकावून घेतला. त्यानंतर शुभमने तेथून पळ काढत पोलिसांना घटनेची माहिती दिली. पोलिसांनी तात्काळ घटनास्थळ गाठत आरोपीला ताब्यात घेतले. पोलिसांनी हत्येचा गुन्हा दाखल करुन मृतदेह शवविच्छेदनासाठी पाठवला असून पोलिसांनी पुढील तपास सुरू केला आहे.