कविता भोसले असं या महिलेचं नाव असून वैयक्तिक कारणांमुळं दोन वर्षांच्या मुलासह आत्महत्येसारखं टोकाचं पाऊल उचललं आहे. पोलिसांनी दिलेल्या माहितीनुसार, कविता भोसले या मागील दोन दिवसांपासून आपल्या दोन वर्षांच्या मुलासह बेपत्ता होता. त्यांच्या नातेवाईकांनी हडपसर पोलीस ठाण्यात कविता बेपत्ता असल्याची तक्रार दिली होती. मात्र, शुक्रवारी संध्याकाळी या दोघांचे मृतदेह विहिरीत तरंगताना आढळून आले.
वाचाः मुंबईत निर्भयाची पुनरावृत्ती; भाजपची राज्य सरकारवर जोरदार टीका
पोलिसांनी महिलेच्या मोबाइलच्या शेवटच्या लोकेशनवरुन तिचा शोध घेण्यास सुरुवात केली होती. त्यानुसार हे लोकेशन आळंदी म्हतोबा या ठिकाणी दाखवत होते. त्यानुसार पोलिसांनी महिलेचा शोध सुरू केला. पण दुर्दैवानं त्याआधीच तिचा मृतदेह विहरीत सापडला. या महिलेनं आत्महत्या का केली याचे कारण मात्र अद्याप समोर आलं नाहीये. याबाबत पोलिस अधिक तपास करत आहेत.
वाचाः मुंबईत निर्भयाची भयानक पुनरावृत्ती; महिलेवर बलात्कार करुन हत्येचा प्रयत्न