Google Pixel 7a वरील ऑफर
Google Pixel 7a चा 8GB RAM आणि 128GB स्टोरेज व्हेरिएंट Amazon वर ४०,९९० रुपयांमध्ये लिस्ट करण्यात आला आहे. हा स्मार्टफोन भारतात मे, २०२३ मध्ये ४३,९९९ रुपयांमध्ये लाँच करण्यात आला होता. तसेच बँक ऑफरमध्ये Amex क्रेडिट कार्ड ट्रँजॅक्शनवर ७.५ टक्के म्हणजे ३५०० रुपयांपर्यंत इंस्टंट डिस्काउंट मिळू शकतो, त्यामुळे फोनची किंमत किंमत ३७,९१५ रुपये होईल. अशाप्रकारे हा स्मार्टफोन लाँच किंमतीच्या तुलनेत ६ हजार रुपयांनी स्वस्तात मिळत आहे.
Google Pixel 7a चे स्पेसिफिकेशन्स
Google Pixel 7a मध्ये ६.१ इंचाचा फुलएचडी+ OLED डिस्प्ले देण्यात आला आहे, ज्याचा रिफ्रेश रेट ९०हर्ट्झ आहे. डिस्प्ले कॉर्निंग गोरिल्ला ग्लास ३ प्रोटेक्शनसह आला आहे आणि HDR सपोर्टसह येतो. डिस्प्लेमध्ये फिंगरप्रिंट स्कॅनर देण्यात आला आहे. Google Pixel 7a मध्ये Tensor G2 चिपसेट देण्यात आला आहे. सोबत Titan M2 सिक्योरिटी चिप आहे. या स्मार्टफोनमध्ये ८जीबी रॅम व १२८जीबी इनबिल्ट स्टोरेज देण्यात आली आहे. Google Pixel 7a मध्ये ४,३८५एमएएचची बॅटरी देण्यात आली आहे. फोन वायरलेस चार्जिंग आणि Qi चार्जिंग स्टँडर्डना सपोर्ट करतो.
कॅमेरा सेटअपसाठी Google Pixel 7a च्या मागे ऑप्टिकल इमेज स्टेबिलाइजेशन (OIS) सह ६४ मेगापिक्सलचा प्रायमरी कॅमेरा आणि १३-मेगापिक्सलचा अल्ट्रा वाइड-अँगल कॅमेरा देण्यात आला आहे. तसेच फ्रंटला १३ मेगापिक्सलचा सेन्सर देण्यात आला आहे. कनेक्टिव्हिटीसाठी जीपीएस, वाय-फाय, ब्लूटूथ ५.३, यूएसबी टाइप सी पोर्ट आणि एनएफसी मिळतात. फोनचे डायमेंशन १५२ मिमी x ७२.९ मिमी x ९ मिमी आणि वजन १९३.५ ग्राम आहे.