सातारा : महायुतीच्या माध्यमातून जिल्हा परिषदेचे माजी अध्यक्ष संजीवराजे नाईक निंबाळकर यांना जर लोकसभेची उमेदवारी मिळाली नाही; तर विद्यमान खासदारांना सुद्धा उमेदवारी तिकीट मिळू देणार नाही, असे स्पष्ट मत विधान परिषदेचे माजी सभापती तथा विद्यमान आमदार श्रीमंत रामराजे नाईक निंबाळकर यांनी व्यक्त केले. कोळकी येथील आनंद मंगल कार्यालयामध्ये लोकसभा निवडणुकीच्या दृष्टीने आयोजित कार्यकर्ता मेळाव्यामध्ये रामराजे निंबाळकर बोलत होते. यावेळी फलटण- कोरेगाव विधानसभा मतदारसंघाचे आमदार दीपक चव्हाण, राष्ट्रवादी (अजित पवार गट ) चे सातारा जिल्हाध्यक्ष संजीवराजे नाईक निंबाळकर, अनिकेतराजे नाईक निंबाळकर यांच्यासह मान्यवर उपस्थित होते.
आगामी लोकसभा निवडणुकीमध्ये राष्ट्रवादी काँग्रेस पार्टीचे जिल्हाध्यक्ष श्रीमंत संजीवराजे नाईक निंबाळकर यांना जर उमेदवारी देण्यात आली नाही; तर आगामी काळामध्ये विद्यमान खासदारांना सुद्धा उमेदवारी मिळवून देण्यासाठी जे काही करावे लागेल ते मी करणार आहे. चुकून झालेल्या खासदाराची किंमत संपूर्ण मतदारसंघ मोजत आहे, असे मतही रामराजे यांनी स्पष्ट केले. या भाषणात रामराजे नाईक निंबाळकर यांनी रणजीतसिंह नाईक निंबाळकर आणि आमदार जयकुमार गोरे यांचं नाव न घेता टीका केली. भाजपच्या सगळ्या गोष्टी एका क्षणात दिल्लीपर्यंत पोहोचतात. खासदार म्हणून त्यांनी काम केलं नाही. आमदार म्हणून आम्ही केलेल्या कामावर हे दोन नागोबा पिठावर रेघोट्या मारतात तसं मारत बसले आहेत, असं रामराजे म्हणाले.
आगामी लोकसभा निवडणुकीमध्ये राष्ट्रवादी काँग्रेस पार्टीचे जिल्हाध्यक्ष श्रीमंत संजीवराजे नाईक निंबाळकर यांना जर उमेदवारी देण्यात आली नाही; तर आगामी काळामध्ये विद्यमान खासदारांना सुद्धा उमेदवारी मिळवून देण्यासाठी जे काही करावे लागेल ते मी करणार आहे. चुकून झालेल्या खासदाराची किंमत संपूर्ण मतदारसंघ मोजत आहे, असे मतही रामराजे यांनी स्पष्ट केले. या भाषणात रामराजे नाईक निंबाळकर यांनी रणजीतसिंह नाईक निंबाळकर आणि आमदार जयकुमार गोरे यांचं नाव न घेता टीका केली. भाजपच्या सगळ्या गोष्टी एका क्षणात दिल्लीपर्यंत पोहोचतात. खासदार म्हणून त्यांनी काम केलं नाही. आमदार म्हणून आम्ही केलेल्या कामावर हे दोन नागोबा पिठावर रेघोट्या मारतात तसं मारत बसले आहेत, असं रामराजे म्हणाले.
माढा मतदारसंघात भाजपचे खासदार
माढा लोकसभा मतदारसंघ २००९ च्या पुनर्रचनेनंतर अस्तित्तावत आला. २००९ आणि २०१४ ला या मतदारसंघावर राष्ट्रवादी काँग्रेसचं वर्चस्व होतं. शरद पवार आणि विजयसिंह मोहिते पाटील यांनी या मतदारसंघाचं प्रतिनिधीत्व केलं. २०१९ च्या मोदी लाटेत हा मतदारसंघ भाजपकडे गेला. २०१९ला काँग्रेसमधून भाजपमध्ये प्रवेश करणारे रणजीतसिंह नाईक निंबाळकर हे विजयी झाले. रामराजे नाईक निंबाळकर आणि रणजीतसिंह नाईक निंबाळकर हे पारंपारिक विरोधक मानले जातात. आता रामराजे नाईक निंबाळकर यांनी आक्रमक भूमिका घेतल्यानं महायुतीच्या लोकसभेच्या रणनीतीला धक्का बसणार की हा वाद मिटवण्यात दोन्ही पक्षांचे वरिष्ठ नेते यशस्वी ठरणार हे पाहावं लागणार आहे.
Read Latest Maharashtra News And Marathi News