कंपनीचे सीईओ Tim Cook यांनी सेल पूर्वी याबाबत माहिती शेयर केली आहे. Apple Vision Pro ची विक्री आज पासून सुरु होत आहे. म्हणजे शुक्रवारी, २ फेब्रुवारीला यूएस अ‍ॅप्पल स्टोर व्हिजन प्रोची विक्री सुरु करण्यात आली आहे. अ‍ॅप्पल व्हिजन प्रो ची किंमत ३,४९९ डॉलर ठेवण्यात आली आहे. ही किंमत भारतीय चलनात रूपांतरित केल्यास २,९०,००० रुपये होतात. हा डिव्हाइस भारतीय बाजारात कधी येईल याबाबत कोणतीही माहिती मिळाली नाही.
खास डिजाइन केले ६०० अ‍ॅप्स
कंपनीच्या सीईओनी सांगितलं आहे की सध्या या डिव्हाइसवर १० लाखांपेक्षा जास्त अ‍ॅप्सचा अ‍ॅक्सेस मिळतो, ज्यात ६०० खासकरून हेडसेटसाठी डिजाइन करण्यात आले आहेत. अ‍ॅप्पल व्हिजन प्रोच्या अधिकृत लाँचची घोषणा करताना टिम कुक यांनी याबाबत ही नवीन माहिती शेयर केली. या डिव्हाइसची घोषणा कंपनीनं गेल्यावर्षीच केली होती परंतु आता हा डिव्हाइस विक्रीसाठी उपलब्ध झाला आहे.
मिळतील हे खास फीचर्स
Apple च्या या रिअ‍ॅलिटी हेडसेट, व्हिजन प्रो मध्ये युजर्सना कस्टमाइज 3D इंटरफेस मिळतो. युजर्स हा डिव्हाइस आपले डोळे, हात आणि आवाजच्या मदतीनं कंट्रोल करू शकतात, त्यामुळे डिव्हाइसचा अ‍ॅक्सेस सोपा होतो. यासाठी या डिव्हाइसवर कॅमेरे लावण्यात आले आहेत.
या डिव्हाइसमुळे कोणतेही ठिकाण गेम, टीव्ही आणि चित्रपटांसाठी पर्सनल एंटरटेनमेंट सेंटरमध्ये सहज रूपांतरित करता येईल. तसेच या डिव्हाइस मध्ये तुम्हाला डॉल्बी अ‍ॅटमॉस टेक्नॉलॉजीसह ऑडियो ऐकता येईल. हेडसेट डिजिटल कंटेंट क्रिएशन आणि कंजंप्शनसाठी निर्माण करण्यात आला आहे. विशेष म्हणजे हा डिव्हाइस वापरत असताना तुम्ही तुमच्या आजूबाजूला सुरु असलेल्या गोष्टी देखील सहज पाहता येतात.