TECNO Spark 20 ची किंमत
टेक्नो स्पार्क २० स्मार्टफोनच्या ८जीबी रॅम व १२८जीबी स्टोरेज मॉडेलची किंमत १०,४९९ रुपये आहे. तसेच फोनचा ८जीबी रॅम व २५६जीबी स्टोरेज मॉडेलची किंमत ११,४९९ रुपये आहे. हा मोबाइल Black, Gold, White आणि Blue कलरमध्ये अ‍ॅमेझॉनवर उपलब्ध होईल.
टेक्नो स्पार्क २० च्या खरेदीवर 19 OTT सब्सस्क्रिप्शनसह OTTplay Premium मोफत मिळत आहे. तसेच एक्सट्रा २ रुपये देऊन ४ महिन्याची Audible membership Free मिळेल. तसेच बँक ऑफर अंतर्गत अ‍ॅमेझॉनवर 256GB Storage व्हेरिएंट १,००० रुपयांच्या फ्लॅट डिस्काउंटसह विकत घेता येईल.
TECNO Spark 20 स्पेसिफिकेशन्स
टेक्नो स्पार्क २० स्मार्टफोन ७२० x १६१२ पिक्सल रिजोल्यूशन असलेल्या ६.५६ इंचाच्या एचडी+ डिस्प्लेसह लाँच करण्यात आला आहे. ही पंच-होल स्टाइल स्क्रीन आहे, जी ९०हर्ट्झ रिफ्रेश रेट, १८०हर्ट्झ टच सॅम्पलिंग रेट सोबतच ४८०निट्स ब्राइटनेसला सपोर्ट करते. यावर पांडा ग्लासची सुरक्षा देण्यात आली आहे.
टेक्नो स्मार्टफोन अँड्रॉइड १३ आधारित हायओएस १३.५ वर चालतो. प्रोसेसिंगसाठी यात मीडियाटेक हीलियो जी८५ ऑक्टाकोर प्रोसेसर मिळतो. सोबत ग्राफिक्ससाठी माली–जी५२ जीपीयू आहे. यात ८जीबी रॅमसह ८जीबी वचुर्अल रॅम मिळून १६जीबी रॅमची पावर मिळते. यातील २५६जीबी पर्यंतची स्टोरेज १टीबी पर्यंत मायक्रोएसडी कार्डनं वाढवता येते.
टेक्नो मोबाइल ड्युअल रियर कॅमेऱ्याला सपोर्ट करतो. ज्यात ड्युअल एलइडी फ्लॅशसह ५० मेगापिक्सल प्रायमरी सेन्सर आणि आर्टिफिशियल इंटेलिजेंस लेन्स मिळते. तर फ्रंटला ३२ मेगापिक्सलचा सेल्फी कॅमेरा आहे. पावर बॅकअपसाठी टेक्नो स्पार्क २० स्मार्टफोनमध्ये ५,०००एमएएच बॅटरी देण्यात आली आहे. जी १८वॉट फास्ट चार्जिंगला सपोर्ट करते.
TECNO Spark 20 स्मार्टफोन आयपी५३ रेजिस्टंट असल्यामुळे काहीप्रमाणात धूळ आणि पाण्यापासून सहज वाचू शकतो. सिक्योरिटीसाठी साइड माउंटेड फिंगरप्रिंट सेन्सर मिळतो. तसेच ड्युअल स्टिरिओ स्पिकर्स ड्युअल ४जी, वाय फाय आणि जीपीएस असे फीचर्स देखील मिळतात.