iQOO Neo 9 Pro Pre Booking Offer
कंपनीनुसार, आयकू नियो ९ प्रोची प्री-बुकिंग आज दुपारी १२ वाजल्यापासून ऑफिशियल वेबसाइट आणि ऑनलाइन शॉपिंग प्लॅटफॉर्म Amazon India वर सुरु होईल. प्री बुकिंग करणाऱ्या ग्राहकांना १ हजारांचा बँक डिस्काउंट दिला जाईल. त्याचबरोबर फोनवर २ वर्षांची वॉरंटी देखील मिळेल.
मिळतील हे फीचर्स
अ‍ॅमेझॉनच्या लिस्टिंगनुसार, आगामी iQOO Neo 9 Pro स्मार्टफोन ५१६०एमएएचच्या मोठ्या बॅटरीसह येईल. हा १२०वॉट फास्ट चार्जिंगचा सपोर्ट देखील मिळेल. तसेच, हा स्मार्टफोन Snapdragon 8 Gen 2, 50MP कॅमेरा आणि ६.७८ इंचाचा डिस्प्लेसह असेल.
आयकू या स्मार्टफोनमध्ये कनेक्टिव्हिटीसाठी ड्युअल सिम स्लॉट, वाय-फाय, जीपीएस, ब्लूटूथ आणि यूएसबी टाईप-सी पोर्ट सारखे फीचर देईल. सिक्योरिटीसाठी फोनमध्ये फिंगरप्रिंट सेन्सर आणि फेस अनलॉक मिळेल. तसेच, हा मोबाइल फोन Android 14 वर चालेल.
संभाव्य किंमत
आयकू नियो ९ प्रोच्या किंमतीची कोणतीही माहिती देण्यात आली नाही. परंतु लीक्सनुसार, या स्मार्टफोनची किंमत भारतात ३४,९९९ रुपायांपासून सुरु होऊ शकते.
गेल्यावर्षी आला होता फ्लॅगशिप स्मार्टफोन
स्मार्टफोन ब्रँड आयकूनं डिसेंबर २०२३ iQOO 12 भारतात सादर केला होता. या स्मार्टफोनची प्रारंभिक किंमत ५२,९९९ रुपये आहे. या डिव्हाइस मध्ये अ‍ॅमोलेड डिस्प्ले आहे, ज्याचा आकार ६.७८ इंच आहे. यात Snapdragon 8 Gen 3 चिपसेट मिळतो. त्याचबरोबर फोनमध्ये १६जीबी पर्यंत रॅम आणि ५१२जीबी इंटरनल स्टोरेज देण्यात आली आहे.
हा फोन ५० मेगापिक्सलच्या ट्रिपल रियर कॅमेरा सेटअपसह येतो. याच्या फ्रंटला १६मेगापिक्सलचा कॅमेरा मिळतो. तसेच मोबाइल फोनमध्ये ५०००एमएएचची बॅटरी देण्यात आली आहे, जी १२०वॉट फास्ट चार्जिंगला सपोर्ट करते.