व्हॅलेंटाइनच्या दिवशी येतोय Redmi चा सर्वात स्वस्त फोन; तुमच्या पार्टनरला देखील आवडेल याची डिजाइन

चिनी स्मार्टफोन निर्माता कंपनी Redmi चा नवीन स्वस्त आणि मस्त फोन १४ फेब्रुवारीला भारतीय बाजारात सादर केला जाईल, ज्याचे नाव Redmi A3 आहे. कंपनीनं या स्मार्टफोनसाठी एक नवीन लँडिंग पेज बनवलं आहे आणि यात काही स्पेसिफिकेशन्सची माहिती देण्यात आली आहे. यात 6GB RAM आणि ६GB व्हर्च्युअल RAM चा सपोर्ट आहे. याची बॅटरी 5000mAh ची आहे. यात शाओमी १३ अल्ट्रा प्रमाणे सर्कुलर कॅमेरा मॉड्यूल आणि ड्युअल कॅमेरा यूनिट मिळेल.

हा स्मार्टफोन ग्रीन कलरमध्ये उपलब्ध केला जाईल. याची डिजाइन Redmi A2 सारखी आहे. याच्या इमेज मध्ये USB Type-C पोर्ट दिसत आहे. कंपनीनं सांगितलं आहे की याच्या डिस्प्लेमध्ये ९० हर्ट्झ रिफ्रेश रेट देण्यात येईल. Redmi A3 काही आफ्रिकन देशांमध्ये रिटेल स्टोर्सवर दिसला आहे. यात MediaTek चा प्रोसेसर दिला जाऊ शकतो. या स्मार्टफोनमध्ये १३ मेगापिक्सलचा प्रायमरी कॅमेरा आणि ८ मेगापिक्सलचा फ्रंट कॅमेरा मिळू शकतो.

Redmi A2, Redmi A2+ चे स्पेसिफिकेशन्स

Redmi A2 आणि Redmi A2+ स्मार्टफोनमध्ये ६.५२ इंचाची आयपीएस एलसीडी स्क्रीन आहे जी टीयरड्रॉप नॉचसह येते. डिस्प्ले १६००x ७२० पिक्सलच्या एचडी+ रिझोल्यूशनसह येतो आणि त्याचा आस्पेक्ट रेशियो २०:९ आहे. स्क्रीनचा रिफ्रेश रेट ६०हर्ट्झ आहे आणि टच सॅम्पलिंग दर १२०हर्ट्झ आहे. Redmi A2 मालिकेतील या हँडसेटमध्ये दिलेला डिस्प्ले ४००नीट्स पीक ब्राइटनेस देतो. Redmi A2 आणि Redmi A2+ स्मार्टफोन अँड्रॉइड १३ (गो एडिशन) सह येतात.

कॅमेऱ्याचं म्हणाल तर Redmi A2 सिरीजच्या या फोन्समध्ये बॅक पॅनलवर ८ मेगापिक्सल प्रायमरी सेन्सरसह ड्युअल रेअर कॅमेरा सेटअप उपलब्ध आहे. सेल्फी आणि व्हिडिओ कॉलिंगसाठी हँडसेटमध्ये ५ मेगापिक्सलचा फ्रंट कॅमेरा आहे. स्मार्टफोनमध्ये मीडियाटेक हेलिओ जी३६ चिपसेट देण्यात आला आहे. या स्मार्टफोन्सच्या बॅटरीचं म्हणाल तर ५०००एमएएचची दमदार बॅटरी देण्यात आली आहे जी १०वॉट चार्जिंगला सपोर्ट करते.