Google नं गेल्यावर्षी डिसेंबरमध्ये आपल्या नॅनो, प्रो आणि अल्ट्रा व्हेरिएंटसह Gemini AI मॉडेल सादर केला होता. अल्ट्रा आतापर्यंत बंद करण्यात आला होता. त्याची जागा त्यापेक्षा जास्त अ‍ॅडव्हान्स AI मॉडेलच्या स्वरूपात PaLM 2 LLM नं घेतली आहे. चला जाणून घेऊया माहिती.
Google Bard आता Gemini
Google गेल्या काही महिन्यांपासून Google Bard ला रीब्रँड करण्याची योजना बनवत होता. डेव्हलपर डायलन रसेलनं एक्स (ट्विटर) वर या चेंजलॉग संबंधित अनेक लीक शेयर केले होते. Google Assistant ची जागा Gemini ला देत आहे. गुगलनुसार, अँड्रॉइड युजर्स Gemini अ‍ॅप डाउनलोड करून किंवा गुगल असिस्टंटच्या माध्यमातून ऑप्ट-इन करून याचा वापर आपल्या स्मार्टफोनवर करू शकतील.
कसं वापरता येईल अ‍ॅप
एकदा हा बदल झाला की कुठूनही हा एआय मॉडेल अ‍ॅक्सेस करता येईल. म्हणजे अ‍ॅप मध्ये पावर बटन दाबून, निवडक फोनवर कॉर्नर स्वाइप करून, किंवा ‘Hey Google’ बोलून देखील गुगल असिस्टंट प्रमाणे याचा वापर करता येईल.
Gemini Advanced देखील लाँच
Gemini Advanced पाहता, गुगलचे सीईओ सुंदर पिचाई यांच्या मते, Gemini Advanced एक पेड एक्सपीरियंस असेल. हा अंदाज लावणे, निर्देशांचे पालन करणे, कोडिंग आणि क्रिएटिव्ह कामात अधिक चांगल्याप्रकारे मदत करू शकेल. याचा अर्थ असा की लोकांना Gemini Advanced चा वापर करण्यासाठी पैसे द्यावे लागतील. हा फ्री मध्ये उपलब्ध नाही.
त्यांनी असं देखील म्हटलं आहे की नवीन Google One AI प्रीमियम प्लॅनची मेंबरशिप घेऊन तुम्ही जेमिनी अ‍ॅडव्हान्सचा वापर करू शकता, जी एकाच ठिकाणी Google ची AI सुविधा देईल. हा प्रीमियम प्लॅन लोकप्रिय Google One सर्व्हिसवर आधारित आहे. Google One AI प्रीमियम प्लॅनसह तुम्ही दोन महिने अतिरिक्त शुल्क न देता Gemini अ‍ॅडव्हान्सचा वापर करू शकाल. त्यानंतर युजर्सना १,९५० रुपये शुल्क द्यावे लागेल.