itel P55T ची किंमत
आयटेल पी५५टी स्मार्टफोन सिंगल व्हेरिएंटमध्ये लाँच करण्यात आला आहे ज्यात 4GB RAM सह 128GB Storage मिळते. या लो बजेट मोबाइल फोनची किंमत ८,१९९ रुपये आहे जो Astral Black आणि Astral Gold कलरमध्ये ऑफलाइन रिटेल स्टोर्सवरून विकत घेता येईल. कंपनीनं माहिती दिली आहे की काही दिवसांनी हा स्मार्टफोन Astral Purple कलरमध्ये देखील सेलसाठी उपलब्ध होईल.
itel P55T चे स्पेसिफिकेशन्स
आयटेल पी५५टी स्मार्टफोन ६.६ इंचाच्या एचडी+ डिस्प्लेसह लाँच करण्यात आला आहे. ही पंच होल स्टाइल स्क्रीन आहे जी ९०हर्ट्झ रिफ्रेश रेटवर चालते. पावर बॅकअपसाठी आयटेल पी५५टी स्मार्टफोनमध्ये ६,०००एमएएचची बॅटरी मिळते. ही मोठी बॅटरी वेगानं चार्ज करण्यासाठी स्मार्टफोनमध्ये १८वॉट फास्ट चार्जिंग टेक्नॉलॉजी देखील आहे.
फोटोग्राफीसाठी फोनमध्ये ड्युअल रियर कॅमेरा आहे. याच्या बॅक पॅनलवर रिंग लाइटसह ५० मेगापिक्सलचा प्रायमरी सेन्सर देण्यात आला आहे जो एआय लेन्ससह मिळून चालतो. तसेच सेल्फी आणि व्हिडीओ कॉलिंगसाठी फोनमध्ये ८ मेगापिक्सलचा फ्रंट कॅमेरा आहे.
प्रोसेसिंगसाठी हा लो बजेट स्मार्टफोन यूनिसोक टी६०६ ऑक्टाकोर प्रोसेसरसह लाँच करण्यात आला आहे जो १.६गीगाहर्ट्झ क्लॉक स्पीडवर चालू शकतो. itel P55T स्मार्टफोन ४जीबी रॅमला सपोर्ट करतो. या मोबाइलमध्ये ४जीबी वचुर्अल रॅम देखील मिळतो. त्यामुळे फोन फिजिकल रॅमसह मिळून ८जीबी रॅमची ताकद दितो. तसेच आयटेल पी५५टी मध्ये १२८जीबी स्टोरेज देण्यात आली आहे.
आयटेल पी५५टी स्मार्टफोन अँड्रॉइड १४ वर लाँच झाला आहे. हा अँड्रॉइडचा ‘गो’ एडिशन आहे ज्यामुळे फोनमध्ये ‘गुगल गो’ अ‍ॅप्स डाउनलोड आणि इंस्टाल करता येतात.हे अ‍ॅप्स कमी रॅमवर देखील स्मूद प्रोसेस करतात, हे बॅटरी व इंटरनेटचा कमी वापर करतात.