Samsung नं गुपचूप लाँच केला 6GB RAM असलेला दमदार 5G Phone, जाणून घ्या किंमत आणि स्पेसिफिकेशन्स

सॅमसंगनं गेल्यावर्षी डिसेंबरमध्ये Galaxy A14 5G सादर केला होता. तसेच, आता कंपनीनं गुपचुप चुपचाप या हँडसेटचा एक नवीन व्हेरिएंट लाँच केला आहे. हा नवीन व्हेरिएंट 6GB रॅम आणि 128GB स्टोरेजसह आला आहे. विशेष म्हणजे Galaxy A15 5G चा 8GB + 128GB आणि 8GB + 256GB व्हेरिएंट आधीपासून सेलसाठी उपलब्ध आहे. रॅम आणि स्टोरेज व्यतिरिक्त डिव्हाइसच्या स्पेसिफिकेशन्समध्ये कोणताही बदल करण्यात आला नाही. जाणून घेऊया या फोनची माहिती.

Samsung Galaxy A15 5G ची किंमत

इंडिया रिपोर्टनुसार सॅमसंगनं आपल्या नवीन 5G फोनची किंमत १७,९९९ रुपये ठेवली आहे. हा फोन १३ फेब्रुवारीपासून ऑफलाइन उपलब्ध झाला आहे. तुम्ही फोन सॅमसंगच्या ऑफिशियल रिटेल स्टोरवरून विकत घेता येईल. तसेच की रिपोर्ट नुसार फोन लवकरच ऑनलाइन मार्केटमध्ये येऊ शकतो.
स्मार्टफोनच्या ८ जीबी रॅम +१२८ जीबी व्हेरिएंटची किंमत १९,४९९ रुपये आहे. फोनचा टॉप मॉडेल ८ जीबी रॅम +२५६ जीबी स्टोरेजसह २२,४९९ रुपयांमध्ये विकत घेता येईल.
हे देखील वाचा:
कायमस्वरूपी कमी झाली 6000mAh बॅटरी असलेला Samsung फोनच्या किंमत; जाणून घ्या नवीन दर

Samsung Galaxy A15 5G चे स्पेसिफिकेशन्स

सॅमसंगच्या नवीन मिड बजेट 5G मोबाइलमध्ये युजर्सना ६.५ इंचाचा फुल एचडी प्लस इंफिनिटी यू नॉच असलेला डिस्प्ले देण्यात आला आहे. यावर युजर्सना ९० हर्ट्झ रिफ्रेश रेट, ८००निट्स पीक ब्राइटनेस आणि १०८० x २३४० पिक्सल रिजॉल्यूशन मिळतो. ऑपरेटिंग सिस्टम पाहता हा स्मार्टफोन अँड्रॉइड १३ आधारित वन युआय वर चालतो. कंपनी यात युजर्सना पुढे देखील सिक्योरिटी आणि अँड्रॉइड अपडेट देईल.

मोबाइलमध्ये चांगल्या परफॉर्मन्ससाठी कंपनीनं ऑक्टा कोर २.२ गीगाहर्टजवर आधारित डायमेंसिटी ६१००+ चिपसेट दिला आहे जो युजर्सना गेमिंगसह इतर सर्व ऑपरेशन्स मध्ये चांगला अनुभव देतो. डेटा स्टोर करण्यासाठी डिवाइस दोन स्टोरेज ऑप्शनमध्ये लाँच करण्यात आला आहे. ज्यात ८ जीबी रॅम +१२८ जीबी स्टोरेज आणि ८ जीबी रॅम + २५६जीबी स्टोरेजचा समावेश आहे.

कॅमेरा फीचर्स पाहता नवीन Samsung Galaxy A15 5G डिवाइस ट्रिपल रियर कॅमेरा सेटअपसह आला आहे ज्यात युजर्सना ५० मेगापिक्सलची प्रायमरी कॅमेरा लेन्स, ५ मेगापिक्सलची अल्ट्रा वाइड अँगल लेन्स आणि २ मेगापिक्सलचा डेप्थ सेन्सर मिळतो. तसेच, सेल्फी आणि व्हिडीओ कॉलिंगसाठी स्मार्टफोन १३ मेगापिक्सलच्या फ्रंट कॅमेर्‍यासह येतो.

बॅटरीच्या बाबतीत Samsung Galaxy A15 5G मध्ये दीर्घकाळ टिकणारी ५००० एमएएचची बॅटरी आहे. ही बॅटरी फास्ट चार्ज करण्यासाठी डिव्हाइसमध्ये २५वॉट फास्ट चार्जिंग टेक्नॉलॉजी देण्यात आली आहे. अन्य फीचर्स पाहता Samsung Galaxy A15 5G मध्ये ड्युअल सिम 5G साइड माउंटेड फिंगरप्रिंट सेन्सर, ब्लूटूथ, वाय-फाय, यूएसबी टाइप सपोर्ट असे अनेक फीचर्स मिळतात.