Infinix Hot 40i ची किंमत
इनफिनिक्स हॉट ४०आय भारतीय बाजारात सिंगल स्टोरेजमध्ये लाँच झाला आहे. फोनचा एकमेव ८जीबी रॅम व २५६जीबी स्टोरेज असलेल्या मॉडेलची किंमत ९,९९९ रुपये आहे. हा फोन Palm Blue, Starfall Green, Horizon Gold आणि Starlit Black अश्या चार कलरमध्ये विकत घेता येईल. लाँच ऑफर अंतगर्त फोनवर बँक ऑफर मिळत आहे, त्यामुळे याची किंमत फक्त ८,९९९ रुपये होते. हा डिव्हाइस येत्या २१ फेब्रुवारीपासून फ्लिपकार्ट आणि अन्य रिटेल आउटलेट्सवर सेलसाठी उपलब्ध होईल.
हे देखील वाचा:
Infinix Hot 40i चे स्पेसिफिकेशन्स
इनफिनिक्स हॉट ४०आय स्मार्टफोनमध्ये ६.६ इंचाचा एचडी+ डिस्प्ले देण्यात आला आहे. यात ७२० x १६१२ पिक्सल रिजॉल्यूशन, ९०हर्ट्झ रिफ्रेश रेट आणि पंच होल स्टाइल डिजाइन देण्यात आला आहे. तर यातील मॅजिक रिंग फीचरच्या मदतीनं आवश्यक नोटिफिकेशन सहज पाहता येतील. Infinix Hot 40i मोबाइल फोन अँड्रॉइड १३ आधारित एक्सओएस १३ वर चालतो.
प्रोसेसिंगसाठी यात १.६गीगाहर्ट्झ क्लॉक स्पीड असलेला यूनिसोक टी६०६ आक्टा-कोर प्रोसेसर देण्यात आला आहे. तर ग्राफिक्ससाठी माली-जी५७ जीपीयू आहे. इनफिनिक्स हॉट ४०आय स्मार्टफोन ८जीबी रॅमसह येतो. त्याचबरोबर ८जीबी व्हर्च्युअल रॅमचा सपोर्ट देण्यात आला आहे. म्हणजे एकूण तुम्हाला १६जीबी पर्यंत रॅमची पावर मिळेल. तसेच स्मार्टफोनमध्ये २५६जीबी इंटरनल स्टोरेज मिळते.
फोनमध्ये ३२ मेगापिक्सलचा सेल्फी कॅमेरा देण्यात आला आहे. जो या बजेटमध्ये अजिबात पाहायला मिळत नाही. Infinix Hot 40i मध्ये फोटोग्राफीसाठी ड्युअल रियर कॅमेरा देण्यात आला आहे. ज्यात क्वॉड एलइडी रिंग फ्लॅशसह ५० मेगापिक्सलचा प्रायमरी सेन्सर आणि २ मेगापिक्सलची एआय लेन्स आहे. पावर बॅकअपसाठी या नवीन इनफिनिक्स मोबाइलमध्ये ५,०००एमएएचची बॅटरी आहे. जी चार्ज करण्यासाठी १८वॉट फास्ट चार्जिंग टेक्नॉलॉजी मिळते.