प्रोफाइल फोटोचा स्क्रीन शॉट काढण्यावर बंदी
व्हॉट्सअॅप आपल्या बीटा व्हर्जन २.२४.४.२५ च्या माध्यमातून अँड्रॉइडसाठी एक नवीन फिचर घेऊन येत आहे. अलीकडेच व्हॉट्सअ‍ॅपनं व्यू वन्स मोडमध्ये शेयर करण्यात आलेल्या इमेजेसचा स्क्रीन शॉट घेण्याचा पर्याय बंद केल्यानंतर आता हा नवीन बदल येत आहे.
आता प्रोफाइल फोटोचा स्क्रीन शॉट घेण्याचा प्रयत्न करणाऱ्या युजर्सना एक मेसेज दाखवला जाईल ज्यात लिहले असेल, “can’t take a screenshot due to app restrictions.” तुम्हाला आठवत असेल की सुमारे ५ वर्षांपूर्वी व्हॉट्सअ‍ॅपनं प्रोफाइल फोटो सेव्ह करण्याचा पर्याय देखील बंद केला होता, ज्यामुळे एक क्लिकवर कोणाचेही प्रोफाइल फोटो गॅलरीमध्ये सेव्ह करता येत होते.
हे देखील वाचा:
सध्या नवीन फिचर काही बीटा युजर्ससाठी उपलब्ध झालं आहे, परंतु येत्या काही आठवड्यात हे फिचर सर्वांसाठी उपलब्ध होईल.
दुसऱ्यांच्या प्रोफाइल फोटोचे स्क्रीन शॉट घेण्यावर बंदी घातल्यामुळे युजर्सच्या प्रायव्हसीमध्ये वाढ होईल आणि लोकांच्या परवानगीविना त्यांचे फोटो सेव्ह करण्याचे प्रमाण कमी होईल. तसेच दुसऱ्यांचे फोटो शेयर करण्याचे प्रमाण देखील कमी होईल, जे हल्ली खूप सोपं आहे. परंतु हे फिचर आल्यानंतर देखील युजर्स दुसऱ्या फोनमधून फोटो काढून प्रोफाइल फोटो शेयर करू शकतात. त्यामुळे जर तुम्हाला तुमच्या प्रायव्हसीची काळजी असेल तर व्हॉट्सअॅप सेटिंगमध्ये जाऊन तुम्ही तुमचा प्रोफाइल फोटो फक्त काही निवडक विश्वासू कॉन्टॅक्ट्सना दाखवण्याचा पर्याय निवडू शकता.
अलीकडेच बातमी आली होती की व्हॉट्सअ‍ॅपच्या पॅरेंट कंपनी मेटानं Misinformation Combat Alliance (MCA) सोबत हातमिळवणी केली आहे, या भागेदारीच्या माध्यमातून एक केंद्रीय डीपफेक अ‍ॅनालिसिस युनिटची स्थापना केली जाईल जे एआयने बनवलेली खोटी माहिती आणि सोशल मीडिया ट्रेंडचं फॅक्ट चेकिंग करेल. हे युनिट युजर्सनी रिपोर्ट केलेली खोटी माहिती चेक करेल. तसेच असे मेसेज व्हॉट्सअॅप द्वारे फेक किंवा मिसलिडिंग असे हायलाइट देखील केले जातील.
व्हॉट्सअॅप वरून टेलिग्रामवर मेसेज येणार पाठवता
जगातील सर्वात लोकप्रिय मेसेजिंग प्लॅटफॉर्म WhatsApp मध्ये एक मोठा बदल पाहायला मिळू शकतो. विशेष म्हणजे व्हॉट्सअॅप लवकरच आपल्या युजर्सना थर्ड-पार्टी अ‍ॅप्ससह क्रॉस-मेसेजिंग सुविधा देऊ शकतं. त्यामुळे युजर्सना अनेक अ‍ॅप्स डाउनलोड करावे लागणार नाहीत आणि सिंगल अ‍ॅप द्वारेच प्रत्येक ठिकाणी चॅटिंग करता येईल. हे बदल युरोपियन युनियनच्या दबावामुळे पाहायला मिळू शकतो.