जिओ आणि एअरटेलपेक्षा कमी किंमतीत मिळतेय ९० दिवसांची वैधता; असा आहे BSNL चा प्लॅन

भारत संचार निगम लिमिटेड (बीएसएनएल) आपल्या प्रीपेड ग्राहकांसाठी एकामागून एक नवीन प्लॅन लाँच करत आहे. त्यामुळे भारती एअरटेल, वोडाफोन आयडिया आणि रिलायन्स जिओसह सर्व टेलीकॉम ऑपरेटर्स पेक्षा बीएसएनएलच्या प्रीपेड प्लॅनमध्ये अनेक ऑप्शन आहेत असं म्हणता येईल. म्हणून आज आम्ही तुच्यासाठी BSNL 90 Days Validity असलेला एक शानदार प्लॅन घेऊन आलो आहोत. हा प्लॅन नवीन नाही परंतु कंपनीच्या ऑफिशियल X अकाऊंटवरून या प्लॅनची माहिती पोस्ट करण्यात आली आहे. चला जाणून घेऊया या प्लॅनबाबत सर्वकाही.

BSNL चा ९० दिवस वैधता असलेला प्लॅन

या प्रीपेड प्लॅनची किंमत फक्त २०१ रुपये आहे. तसेच, या रिचार्जमध्ये युजर्सना कोणत्याची नेटवर्कवर ३०० मिनिटे मोफत व्हॉइस कॉलचा लाभ मिळतो. तसेच जर तुम्ही इंटरनेट वापरू इच्छित असाल तर प्लॅनमध्ये एकूण ६GB डेटा ऑफर केला जात आहे.

इतकेच नव्हे तर रिचार्जमध्ये ९० दिवसांच्या संपूर्ण वैधतेसाठी एकूण ९९ मोफत sms देखील मिळतात. विशेष म्हणजे BSNL आपल्या प्लॅनसह जास्त व्हॅलिडिटी देण्यासाठी प्रसिद्ध आहे, त्यामुळे जर तुम्हाला तुमचं सिम दीर्घकाळ सक्रिय ठेवायचं असेल आणि एखादा स्वस्त प्लॅन शोधत असाल तर. ९० दिवसांच्या वैधतेसह येणार हा प्लॅन तुमच्यासाठी बेस्ट ठरेल.

२ टक्के मिळेल कॅशबॅक

BSNL एक नवीन प्रमोशनल ऑफर अंतगर्त रिचार्ज करणाऱ्या ग्राहकांना पेमेंटवर २ टक्के कॅशबॅक देत आहे. या कॅशबॅकचा फायदा त्या प्रीपेड ग्राहकांना मिळेल जे BSNL Self care App च्या माध्यमातून पेमेंट करतील. कॅशबॅक घेण्यासाठी मोबाइल अ‍ॅपच्या माध्यमातून रिचार्ज पॅक खरेदी करावा लागेल आणि कॅशबॅक मिळवण्यासाठी वॉलेट, क्रेडिट किंवा डेबिट कार्ड किंवा नेटबँकिंगचा वापर करावा लागेल.

या प्लॅनमध्ये देखील मिळते ९० दिवसांची वैधता

जर तुम्ही कॉलिंगसह ९० दिवसांचा बीएसएनएल प्लॅन शोधत असाल तर ४९९ रुपयांच्या प्लॅनचा देखील विचार करू शकता. या युजर्सना कंपनी ३०० SMS आणि फ्री कॉलिंगची सुविधा देते. जर तुम्ही फक्त कॉलिंगसाठी एखादा प्लॅन शोधत असाल तर बीएसएनएलची एक चांगली ऑफर आहे.
नोट: BSNL कडे स्वस्त रिचार्ज प्लॅन पासून महागड्या रिचार्ज प्लॅन्सचा मोठा पोर्टफोलियो आहे जो अनेक सेगमेंटमध्ये विभागण्यात आला आहे. त्यामुळे तुम्ही तुमच्या सोयीनुसार आणि तुमच्या सर्कलमधील उपलब्धतेनुसार एकाची निवड करू शकता.