वोडाफोन आयडिया आपल्या ग्राहकांसाठी Amazon Prime Video सब्सक्रिप्शन कोणत्याही एक्सट्रा चार्जविना देत आहे. कंपनीचा एक प्लॅन असा आहे जो १ वर्षाच्या वैधतेसह येतो आणि जोपर्यंत वैधता आहे तेवढा वेळ प्राइम व्हिडीओचे मनोरंजन देखील युजर्सना मिळतं. हा प्लॅन ३१९९ रुपयांमध्ये उपलब्ध झाला आहे, ज्यात कंपनी प्राइम व्हिडीओचं मोबाइल एडिशन सब्सस्क्रिप्शन एक वर्षासाठी देत आहे. विशेष म्हणजे हे रेग्युलर प्राइम व्हिडीओ सब्सक्रिप्शन नाही.
हे देखील वाचा:
वोडाफोन आयडियाच्या ३१९९ रुपयांचा प्लॅनचे बेनिफिट्स पाहता युजर्सना यात डेली बेसिसवर २जीबी डेटा मिळतो. सोबत रोज १०० SMS देखील युजर मोफत पाठवू शकतात. तसेच Vi Movies & TV चं सब्सक्रिप्शन देखील या प्लॅनमध्ये मिळत आहे. म्हणजे मनोरंजनचा डबल डोज यात मिळत आहे. प्लॅनसह हीरो अनलिमिटिडचा लाभ, बिंज ऑल नाइट, वीकेंड डेटा रोलओव्हर, आणि डेटा डिलाइट्सचा देखील समावेश आहे. विशेष म्हणजे हा कंपनीचा सर्वात जास्त किंमत असलेला प्लॅन आहे ज्याचा टॉप प्लॅन्स मध्ये समावेश आहे.
जर तुम्हाला अश्याच एखाद्या प्लॅनसह Disney+ Hotstar चं सब्सक्रिप्शन हवं असेल तर त्यासाठी देखील कंपनीकडे पर्याय आहे. युजर कंपनीच्या ३०९९ रुपयांचा प्लॅनसह रीचार्ज करू शकते ज्यात १ वर्षभरासाठी डिज्नी प्लस हॉटस्टारवर मनोरंजरांची मजा घेता येईल. या प्लॅनमध्ये मिळणारे इतर बेनिफिट तसेच राहतील जसे ३१९९ रुपयांच्या प्लॅनमध्ये कंपनी देत आहे. अधिक माहिती कंपनीच्या अधिकृत वेबसाइटवर जाऊन देखील मिळवता येईल.
वीची एमएसआरडीसीसोबत भागीदारी
टेलिकॉम ऑपरेटर कंपनी वी नं मुंबई आणि पुणे महाराष्ट्रातील या दोन शहरांना जोडणाऱ्या ९५ किमी लांब एक्स्प्रेसवेवर संचार, कनेक्टिव्हिटी आणि सार्वजनिक सुरक्षा सुविधा सहजपणे आणि तातडीने उपलब्ध व्हाव्यात यासाठी महाराष्ट्र राज्य रस्ते विकास महामंडळासोबत कॉन्ट्रॅक्ट केला असून त्याअंतर्गत संपूर्ण मुंबई-पुणे एक्स्प्रेसवेवर इमर्जन्सी कॉलिंग बूथ उभारण्यात येणार आहेत. या करारानुसार वी सर्व कॉलिंग बूथ्सना नेटवर्क सपोर्ट देण्यात येईल. दर दोन किमी अंतरावर हे इमर्जन्सी कॉलिंग बूथ उभारले जाणार असून त्यामुळे काही आणीबाणी उद्भवल्यास राज्य महामार्ग पोलीस नियंत्रण कक्षाशी थेट सहज संपर्क साधणे प्रवाशांना सहजशक्य होईल.