पहिल्या सोमवारी चित्रपटाची कमाई पहिल्या दिवसाच्या तुलनेत ४५-५०% कमी झाली, सिनेमाच्या कमाईची गती कमी झाली असली तरी ती उत्तम मानली जात आहे. लोक अजूनही सिनेमाकडे आकर्षित होत आहे. दुसरीकडे, विद्युत जामवाल आणि अर्जुन रामपालचा ‘क्रॅक’ पुरताच थंडवला आहे. चित्रपटाच्या कमाईत -७६.४७ % ची घट नोंदवली गेली.
आदित्य जांभळे यांच्या दिग्दर्शनाखाली बनलेल्या आर्टिकल ३७० ‘चे बजेट २० कोटी रुपये असल्याचे सांगण्यात येत आहे. त्यामुळे रिलीजच्या चार दिवसांत चित्रपटाने आपले बजेट वसूल केले. तसेच सिनेमाने नफाही कमवायला सुरुवात केली आहे. sacnilk च्या अहवालानुसार, चार दिवसांत आर्टिकल ३७० ने देशात २६.१५ कोटी रुपयांचे निव्वळ कलेक्शन केले, तर जगभरात ३६ कोटी रुपयांचे एकूण कलेक्शन केले आहे.
आर्टिकल ३७० ने सोमवारी ३.२५ कोटी रुपयांची कमाई केली
आर्टिकल ३७० हा सिनेमा काश्मीरमधून कलम ३७० हद्दपार करण्याची सरकारी मोहिम आणि त्यातून उद्भवलेल्या समस्यांवर आधारित आहे. या चित्रपटाने पहिल्याच दिवशी देशभरात ५.९० कोटींची कमाई केली होती. शनिवारी दुसऱ्या दिवशी या चित्रपटाने ७.४ कोटींचा व्यवसाय केला. रविवारी त्याची कमाई वाढून ९.६० कोटी रुपये झाली, तर आता सोमवारी या चित्रपटाने ३.२५ कोटींचा व्यवसाय केला आहे.
‘क्रॅक’ने चार दिवसांत केवळ ९.७ कोटींची कमाई केली
तर दुसरीकडे शुक्रवारीच प्रदर्शित झालेल्या ‘क्रॅक : जीतेगा तो जीगा’ या ॲक्शनफिल्मची अवस्था अत्यंत वाईट आहे. विद्युत जामवाल आणि अर्जुन रामपाल यांच्या या चित्रपटाने सोमवारी केवळ एक कोटी रुपयांची कमाई केली. चार दिवसांत या चित्रपटाने देशात ९.७० कोटी रुपये आणि जगभरात १२.१० कोटी रुपयांची कमाई केली. या चित्रपटाचे बजेट ४५ कोटी रुपये होते