३० वर्षानंतर शनि, मंगळ युती योग : तूळसह ‘या’ 4 राशी ठरणार लकी ! नोकरी आणि उत्पन्नात प्रगती

Saturn Mars Conjunction: ग्रह-नक्षत्र यांच्या स्थितीत होत असलेल्या बदलचा परिणाम प्रत्येक व्यक्तीच्या जीवनावर पडत असतो. ज्या वेळी ग्रहांचा हा प्रभाव शुभ असतो तेव्हा व्यक्तीची जीवनाच्या प्रत्येक क्षेत्रात प्रगती होते. त्याच वेळी जेव्हा ग्रहांचा प्रभाव अशुभ असतो तेव्हा व्यक्तीच्या मार्गात किती तरी प्रकारच्या अडचणी येतात, त्यामुळे त्याला सहजतेने यशाच्या मार्गापर्यंत पोहोचता येत नाही. सर्वसामान्य व्यक्तींच्या जोडीनेच ग्रहांच्या बदलत्या स्थितीचा परिणाम देश आणि समाजावरही पडतो. या प्रभावात देशात बऱ्याच मोठ्या घटना घडतात. काही मोठ्या घटनांची नोंद तर इतिहासात होते. मार्च महिन्यात ग्रहांचा आणखी एक बदल होत आहे. ३० वर्षांनंतर मंगळ आणि शनीची युती कुंभ राशीत होणार आहे. मंगळ आणि शनीच्या या योगाचा परिणाम सर्व राशींवर होणार आहे. काही राशींवर या युतीचा प्रभाव अतिशय चांगला राहाणार आहे. या प्रभावाने चार राशीचे लोक यशाच्या मार्गावर प्रगती करतील. जाणून घेऊ या त्या राशी कोणत्या आहेत.

मेष राशीचे उत्पन्न वाढेल पण संयमाची गरज
मेष राशीच्या लोकांना धनलाभाची संधी मिळतील. काही काळापासून मेष राशीच्या ज्या व्यक्तींना पैशाच्या देवाणघेवाणीत अडचणी येत होत्या, त्या मंगळ आणि शनी युतीच्या प्रभावाने समाप्त होताना दिसत आहेत. स्वतःचा पराक्रम आणि उत्साह यामुळे मेष राशीचे लोक स्वतःच्या उत्पन्नात वृद्धी करू शकतील. उत्पन्नात वाढ आणि जोडीनेच उत्पन्नाचे इतर मार्ग खुले होतील. परिणाम तुमच्या बाजूने दिसत असताना मेष राशीच्या लोकांना समजुतीने काम करावे लागेल. घाईगडबडीत कोणाताही मोठा निर्णय घेऊ नका आणि संयम कायम ठेवा, तर तुम्ही जीवनात प्रगती करू शकाल. एखाद्या गोष्टीवर विचार करताना त्याच्या फायद्यातोट्याच्या अनुषंगाने नक्की विचार करा.

वृषभ राशीला नोकरी मिळेल, पण सहकाऱ्यांसोबत ताळमेळ ठेवावा लागेल
मंगळ-शनी युतीचा प्रभाव वृषभ राशीच्या लोकांसाठी फार चांगले परिणाम घेऊन येत आहे. नोकरीत काही चढउतार येतील, पण जे लोक नवी नोकरी शोधत आहेत, त्यांना चांगली बातमी मिळेल. जे लोक विदेश प्रवासाचा प्रयत्न करत आहेत, त्यांचा मार्गही मोकळा होईल, आणि त्यांना परदेश प्रवासाची संधी मिळेल. पण वृषभ राशीच्या लोकांसाठी असा सल्ला असेल की त्यांनी कार्यस्थळी सावध राहावे, अन्यथा नुकसान होण्याची शक्यता आहे. कार्यक्षेत्रात तुमचे सहकारी, अधिकारी आणि विशेष करून तुमच्या बॉससोबत ताळमेळ ठेवा. विशेष करून तुमच्या बोलण्यावर नियंत्रण ठेवा.

तूळ राशीला संतती सुख आणि प्रेमविवाहात यश मिळेल
मंगळ – शनी युतीचा संयोग तूळ राशीसाठी शुभफल घेऊन येत आहे. तूळ राशीचे जे लोक कुटुंबाच्या विस्ताराचे नियोजन करत आहेत, त्यांना संतती सुख मिळेल. तसेच जे आईवडील आपल्या मुलांना परदेशात शिक्षण देण्यासाठी प्रयत्न करत आहेत, त्यांना यश मिळेल. विदेशात शिक्षणाच्या उद्देशाने जात असलेल्यांना नशिब पूर्ण साथ देईल आणि तुम्हाला यात यश येईल. प्रेम आणि विवाह याबद्दल बोलायचे तर ज्या प्रेमीयुगुलांची गाडी अडली होती, त्यांच्या विवाहाचे योग दिसत आहे. मशिनरी आणि इंजिनिअरिंगशीच्या कामाशी संबंधित लोकांना लाभ होईल.

धनू राशीचे लोकांचे उत्पन्न वाढेल आणि कोर्टकचेरीत यश मिळेल
धनू राशीच्या लोकांना मंगल-शनी युती चांगले परिणाम देताना दिसेल. धनू राशीच्या लोकांचा आत्मविश्वास वाढेल, आणि तुम्ही बरीच कामे भीती आणि संकोचाशिवाय पूर्ण कराल. ज्या लोकांच्या कुटुंबात जमीन, मालमत्ता यावरून तणावाची स्थिती होती, त्यांच्यासाठी निर्णय हा त्यांच्या बाजूने येईल. पण या अनुकूल वेळेचा फायदा उठवण्यासाठी धनू राशीच्या लोकांना संयम ठेवावा लागेल. उत्साहाच्या भरात कोणतेही काम करू नका. सावधतेने पावले टाका. नवीन लोकांशी संपर्क प्रस्थापित होतील. मित्रांकडून लाभ मिळेल. जे लोक खेल आणि संरक्षणाशी संबंधित क्षेत्रात आहेत, त्यांना पराक्रम दाखवण्याची संधी मिळेल.