Ambani राहिले मागे! Jio नव्हे Airtel घेऊन येत आहे सर्वात स्वस्त 5G Phone

सर्वात स्वस्त ५जी फोन भारतात येणार आहे परंतु हा Jio Phone 5G नसेल तर Airtel मोबाइल असेल. देशातील सर्वात स्वस्त ५जी फोन सादर करण्यासाठी एअरटेलनं POCO सह भागेदारी केली आहे. पोको आणि एअरटेलच्या भागेदारीची माहिती पोको इंडिया हेड Himanshu Tandon यांनी दिली आहे, ज्याची माहिती पुढे वाचू शकता.

POCO Airtel 5G पार्टनरशिप

पोको इंडिया कंट्री हेड हिमांशु टंडन यांनी सोशल मीडिया प्लॅटफॉर्म एक्स (ट्वीटर)च्या माध्यमातून माहिती दिली आहे की ते एक स्वस्त ५जी डिव्हाइसवर काम करत आहेत आणि यासाठी टेलीकॉम ऑपरेटर एअरटेलसह भागेदारी करण्यात आली आहे. POCO Airtel पार्टनरशिप बाबत परंतु अद्याप स्पष्ट करण्यात आलं नाही की एखादा नवीन पोको फोन लाँच होईल की एखादा पोकोचा जुनाच स्मार्टफोन मॉडेल स्पेशल एअरटेल एडिशन म्हणून लाँच केला जाईल.
हे देखील वाचा: Nothing Phone 2a नवीन ट्रान्सपरंट लुक आणि 32MP सेल्फी कॅमेऱ्यासह भारतात लाँच, जाणून घ्या किंमत

हा आहे ब्रँडचा सर्वात स्वस्त ५जी फोन

POCO M6 5G फोन सध्या ब्रँडचा सर्वात स्वस्त ५जी स्मार्टफोन आहे. याची किंमत फक्त ९,९९९ रुपये आहे ज्यात 4GB RAM सह 128GB Storage मिळते. तसेच फोनचा 6GB RAM व 128GB Storage मॉडेल १०,९९९ रुपयांमध्ये तर 8GB RAM व 256GB Storage ११,९९९ रुपयांमध्ये फ्लिपकार्टवर विकला जात आहे. त्यामुळे असा अंदाज लागला जात आहे की कदाचित पोको एम६ ५जी फोनचा एखादा एअरटेल एडिशन सादर केला जाईल. याची किंमत कमी असण्याची शक्यता आहे तसेच सोबत एअरटेलकडून रिचार्ज प्लॅनमध्ये सवलत दिली जाऊ शकते.

लवकरच येऊ शकतो Jio Phone 5G

रिलायन्स जिओ घेऊन येत असलेला जिओ फोन ५जी भारतातील सर्वात स्वस्त ५जी मोबाइल असू शकतो. काउंटरपॉईंट्सच्या रिपोर्टमध्ये Jio Phone 5G ची किंमत ८,००० रुपयांच्या आसपास असेल, असं सांगण्यात आलं आहे. तसेच MWC 2024 मध्ये Qualcomm च्या अधिकाऱ्यांनी सांगितलं आहे की ते भारतीय मार्केटसाठी एक खास चिपसेट बनवला जात आहे जो ९९ डॉलर्स (जवळपास ८,२०० रुपये) पेक्षा कमी किंमतीच्या मोबाइल्सला 5G Support देईल. हा चिपसेट जिओ ५जी फोनमध्ये दिसू शकतो.