Xiaomi 14 ची किंमत
Xiaomi 14 भारतीय बाजारात सिंगल स्टोरेज ऑप्शनमध्ये विकला जाईल. फोनच्या एकमेव १२जीबी रॅम व ५१२जीबी स्टोरेज व्हेरिएंटची किंमत ६९,९९९ रुपये ठेवण्यात आली आहे. लाँच ऑफर अंतगर्त मोबाइल वर आयसीआयसीआय बँकेच्या ग्राहकांना ५,००० रुपयांचा इंस्टंट डिस्काउंट दिला जाईल. त्याचबरोबर ५,००० रुपयांचा एक्सचेंज बोनस पण मिळेल.Xiaomi 14 फोन २४ महिन्यांच्या नो कॉस्ट EMI सह विकत घेता येईल. डिवाइसची विक्री येत्या ११ मार्चपासून दुपारी १२ वाजता अ‍ॅमेझॉन, फ्लिपकार्ट, ऑफलाइन स्टोर आणि Xiaomi वेबसाइटवर सुरु होईल.
Xiaomi 14 चे स्पेसिफिकेशन्स
शाओमी १४ मध्ये ६.३६ इंचाचा पंच-होल ओएलईडी एलटीपीओ डिस्प्ले मिळतो. जो २६७० x १२०० पिक्सल रिजॉल्यूशन, १२०हर्ट्झ रिफ्रेश रेट, ३०००निट्स ब्राइटनेस आणि २१६०पीडब्ल्यूएम डिमिंगला सपोर्ट करतो. त्याचबरोबर यावर गोरिल्ला ग्लास विक्टसची सुरक्षा देण्यात आली आहे.
मोबाइलमध्ये ४ नॅनोमीटर फॅब्रिकेशनसह क्वॉलकॉम स्नॅपड्रॅगन ८ जेन ३ ऑक्टा-कोर प्रोसेसर देण्यात आला आहे. हा चिपसेट आतापर्यंतचा सर्वात वेगवान चिपसेट आहे. सोबत ग्राफिक्ससाठी एड्रेनो ७५० जीपीयू आहे. हा डिवाइस अँड्रॉइड १४ आधारती हायपर ओएसवर चालतो.
Xiaomi 14 फोनमध्ये ट्रिपल रियर कॅमेरा सेटअप आहे, ज्यात Leica कॅमेरा लेन्स, OIS सह ५० मेगापिक्सलचा प्रायमरी सेन्सर, ५० मेगापिक्सलची अल्ट्रा वाइड अँगल लेन्स आणि ५० मेगापिक्सलची टेलीफोटो लेन्स आहे. तसेच, फ्रंटला ३२ मेगापिक्सलचा सेल्फी शुटर आहे.
शाओमी १४ मध्ये ४,६१०एमएएचची बॅटरी देण्यात आली आहे. जी ९०वॉट वायर्ड फास्ट चार्जिंग आणि ५०वॉट वायरलेस चार्जिंगला सपोर्ट करते. सिक्योरिटीसाठी इन-डिस्प्ले फिंगरप्रिंट सेन्सर, पाणी आणि धुळीपासून सुरक्षित राहण्यासाठी आयपी६८ रेटिंग आहे. तर कनेक्टिव्हिटीसाठी ड्युअल सिम ५जी, ब्लूटूथ, यूएसबी टाइप-सी पोर्ट आणि वायफाय ७ सारख्या सुविधा आहेत. तर कनेक्टिव्हिटीसाठी ड्युअल सिम ५जी, ब्लूटूथ, यूएसबी टाइप-सी पोर्ट आणि वायफाय ७ सारख्या सुविधा आहेत.