सर्वात स्वस्त 5G Phone भारतात लाँच! किंमत कमी करण्यासाठी Poco नं लढवली शक्कल

गेल्या आठवड्यात Poco नं Airtel सोबत मिळून बजेट फ्रेंडली स्मार्टफोन लाँच करण्याची घोषणा केली होती. आता चिनी स्मार्टफोन निर्माता कंपनी पोकोनं आपला नवा स्मार्टफोन लाँच केला आहे. हा कंपनीचा Poco M6 5G आहे जो एअरटेल सोबतच्या भागेदारीमुळे याची किंमत ९ हजारांच्या आत ठेवण्यात कंपनीला यश आलं आहे.

Poco M6 5G Price

Poco M6 5G स्मार्टफोनची किंमत ८,७९९ रुपये ठेवण्यात आली आहे, सोबत एअरटेलचं प्रीपेड कनेक्शन देण्यात येईल. या स्मार्टफोनची विक्री १० मार्चपासून केली जाईल. स्पेशल किंमतीसह सर्व एअरटेल प्रीपेड ग्राहकांना ५० जीबी मोबाइल डेटा मिळेल कंपनीकडून मिळेल. हा वन टाइम डेटा असेल. इतर कंपन्यांच्या युजर्सना ही ऑफर मिळवण्यासाठी डोरस्टेप सिम डिलिव्हरीचा ऑप्शन निवडू शकतात. हा स्मार्टफोन ऑनलाइन ई-कॉमर्स प्लॅटफॉर्म फ्लिपकार्टवरून विकत घेता येईल.
हे देखील वाचा: Ambani राहिले मागे! Jio नव्हे Airtel घेऊन येत आहे सर्वात स्वस्त 5G Phone

Poco M6 5G specifications

Poco M6 5G स्मार्टफोनमध्ये ६.४७ इंचाचा डिस्प्ले देण्यात आला आहे. हा डिस्प्ले ९०हर्ट्झ रिफ्रेश रेटला सपोर्ट करतो. सुरक्षेसाठीसाठी कंपनीनं यावर गोरिल्ला ग्लासची लेयर दिली आहे. प्रोसेसिंगसाठी फोनमध्ये ऑक्टकोर मीडियाटेक डायमेन्सिटी ६१००+ चिपसेट देण्यात आला आहे. सोबत ८जीबी रॅम मिळतो. तर कंपनीनं हा फोन दोन स्टोरेज ऑप्शनसह बाजारात आला आहे. ज्यात १२८ जीबी व २५६ जीबी स्टोरेजचा समावेश करण्यात आला आहे. फोनमध्ये अँड्रॉइड १३ ऑपरेटिंग सिस्टम देण्यात आली आहे, ज्यावर मीयुआय १४ ची लेयर देण्यात आली आहे. त्यामुळे ५जी चा जबरदस्त अनुभव मिळतो.

फोटोग्राफीसाठी फोनमध्ये ड्युअल कॅमेरा सेटअप देण्यात आला आहे. ज्यात ५०एमपीचा मुख्य एआय कॅमेरा सेन्सर देण्यात आला आहे. तर सेल्फी आणि व्हिडीओ कॉलिंगसाठी कंपनीनं फ्रंटला ५ एमपीचा कॅमेरा वापरला आहे. पावर बॅकअपसाठी या डिवाइस मध्ये ५०००एमएएचची बॅटरी देण्यात आली आहे, जी जवळपास दिवसभराची बॅटरी लाइफ देऊ शकते. ही बॅटरी चार्ज करण्यासाठी कंपनीनं १८ वॉट फास्ट चार्जिंगचा सपोर्ट दिला आहे. फोनच्या बॉक्समध्ये १०वॉट टाइप सी चार्जर दिला जातो.