POCO X6 Neo ची किंमत
POCO X6 Neo भारतीय बाजारात दोन मेमरी व्हेरिएंटमध्ये आला आहे. यातील 8GB RAM व 128GB मॉडेलची किंमत १५,९९९ रुपये आहे. तर 12GB RAM व 256GB स्टोरेज मॉडेल १७,९९९ रुपयांमध्ये मिळेल. हा हँडसेट Astral Black, Horizon Blue आणि Martian Orange अश्या तीन रंगात विकत घेता येईल.
POCO X6 Neo फोनची विक्री आज संध्याकाळी ७:०० वाजता फ्लिपकार्टवर सुरु होईल.फोनवर युजर्सना आयसीआयसीआय बँक कार्डच्या मदतीनं १,००० रुपयांचा इंस्टंट डिस्काउंट आणि १,००० रुपयांचा एक्स्ट्रा एक्सचेंज बोनस पण मिळत आहे. इतकेच नव्हे तर ९ महिन्याच्या नो कॉस्ट EMI चा ऑप्शन पण आहे.
POCO नं आणखी ऑफर आणली आहे ज्यात भाग्यवान विजेताना १,४०,००० रुपयांची हिरोची बाइक बक्षिस मिळेल. यासाठी ग्राहकांना आजच्या अर्ली सेलमध्ये अतिरिक्त १ रुपया खर्च करावा लागेल.
POCO X6 Neo चे स्पेसिफिकेशन्स
POCO X6 Neo 5G फोनमध्ये ६.६७ इंचाचा एफएचडी + अ‍ॅमोलेड डिस्प्ले देण्यात आला आहे. या स्क्रीन वर युजर्सना जबरदस्त १२० हर्ट्झ रिफ्रेश रेट, १००० निट्स पर्यंत पीक ब्राइटनेस, ९३.३% स्क्रीन टू बॉडी रेश्यो देण्यात आला आहे. त्याचबरोबर हा फोन १००% डीसीआय पी३ कलर गमट आणि १९२० पीडब्लूएम डिम्मिंग सपोर्टसह येईल. तर सुरक्षेसाठी गोरिल्ला ग्लास ५ चे प्रोटेक्शन देण्यात आलं आहे.
POCO X6 Neo ची प्रोसेसिंग पाहता हा 5G मोबाइल मीडियाटेक डायमेन्सिटी ६०८० चिपसेटसह आला आहे. फोनमध्ये दोन स्टोरेज ऑप्शन मिळतात. ज्यात ८जीबी रॅम +१२८ जीबी बेस मॉडेल आणि १२जीबी रॅम + २५६जीबी स्टोरेज आहे. इतकेच नव्हे तर ८ जीबी सह ८जीबी आणि १२जीबी सह १२जीबी एक्सटेंडेड रॅमचा सपोर्ट देखील आहे. स्मार्टफोन अँड्रॉइड १३ वर लाँच करण्यात आला आहे. मोबाइलमध्ये तुम्हाला दोन अँड्रॉइड अपग्रेड आणि ४ वर्षांचे सिक्योरिटी अपडेट मिळतील.
POCO X6 Neo चा कॅमेरा देखील जबरदस्त आहे कारण यात तुम्हाला ड्युअल कॅमेरा मिळत आहे. ज्यात १०८ मेगापिक्सलचा प्रायमरी कॅमेरा आणि २ मेगापिक्सलचा डेप्थ सेन्सर मिळतो. तसेच, सेल्फी व व्हिडीओ कॉलिंगसाठी १६ मेगापिक्सलचा फ्रंट कॅमेरा देण्यात आला आहे.
पावर बॅकअपसाठी POCO X6 Neo मोबाइल ५,०००एमएएच बॅटरीसह आला आहे. फोन चार्ज करण्यासाठी ब्रँडनं ३३वॉट फास्ट चार्जिंग टेक्नॉलॉजीचा सपोर्ट दिला आहे. इतर फीचर्स पाहता POCO X6 Neo साइड माउंटेड फिंगरप्रिंट सेन्सर, आयपी५४ रेटिंग, ड्युअल 5G, ७ 5G बँड, वायफाय, ब्लूटूथ ५.३ सारख्या ऑप्शनसह आला आहे.