गुगल इंडियाने आगामी सार्वत्रिक निवडणुकांना पाठिंबा देण्यासाठी निवडणूक आयोगाशी हातमिळवणी केली आहे. मतदारांना उपयुक्त माहितीशी जोडणे, चुकीच्या माहितीशी लढा देणे आणि लोकांना AI जनरेटेड कन्टेन्ट ओळखण्यात मदत करणे यासाठी ते मदत करणार आहेत. आगामी लोकसभा निवडणुकीसाठी गुगलच्या योजनांचे तपशीलवार येथे देण्यात आला आहे.
गुगल देणार निवडणुकीला पाठिंबा
गुगलने एका ब्लॉग पोस्ट वर नमूद केले आहे कि , “निवडणुकांना पाठिंबा देणे हे आमच्या युजर्ससाठी आणि लोकशाही प्रक्रियेसाठी Google ची महत्वाची जबाबदारी आहे. “
मतदारांना आवश्यक माहितीशी जोडण्यासाठी Google Search आणि YouTube
निवडणुकांना पाठिंबा देण्याच्या उद्देशाने ‘Google’ उपयुक्त प्रॉडक्ट फीचरसह विश्वसनीय माहिती सहज उपलब्ध करून देईल. भारताच्या निवडणूक आयोगासोबतच्या भागीदारीद्वारे, Google लोकांना Google Search वर मतदार नोंदणी, उमेदवार प्रोफाइल तसेच इंग्रजी आणि हिंदीमध्ये नोंदणी आणि मतदान कसे करावे यासारखी मतदानसंबंधित माहिती सहजपणे उपलब्ध करून देणार आहे. निवडणुकीच्या हंगामात, YouTube अधिकृत स्त्रोतांकडून विविध कन्टेन्टचा प्रचार करेल आणि चुकीच्या माहितीचा धोका असलेल्या विषयांवर रेफरन्स प्रोव्हाईड करेल.
गुगलच्या गैरवापराला आळा घालणे
Google च्या ब्लॉगमध्ये उल्लेख आहे की, “निवडणुकांच्या अखंडतेचे रक्षण करणे म्हणजेच आमचे प्रॉडक्ट्स आणि सर्व्हिस यांचे गैरवापरापासून संरक्षण करणे आहे.” गुगलच्या मोठ्या भाषेच्या मॉडेल्समध्ये अलीकडील इम्प्रूव्हमेंटसह, अल्फाबेटच्या मालकीची कंपनी फास्ट सिस्टिम तयार करत आहे ज्यामुळे ती आवश्यक कारवाई करण्यास सक्षम होईल. कंपनीने असेही म्हटले आहे की,निवडणूक-संबंधित जाहिरातींवर कठोर धोरणे घालण्यात आली आहेत.
आवश्यक बंधने घालणे
सार्वत्रिक निवडणुकांच्या अगोदर, Google ने शक्ती, इंडिया इलेक्शन फॅक्ट-चेकिंग कलेक्टिव्ह, भारतातील बातम्या आणि फॅक्ट चेक करणाऱ्या संस्थांना आपला पाठिंबा दिला आहे. या सर्व संस्था चुकीची ऑनलाइन माहिती लवकर शोधण्यासाठी एकत्र काम करतात. पुढे, फोटो असो कि टेक्स्ट असो Google जाहिरातींसाठी AI जनरेटेड कन्टेन्ट वापरण्यावर अनेक निर्बंध घालत आहे. डीपफेक सारख्या कंटेन्टना हे माध्यम विरोध करते. लवकरच, YouTube वर निर्मात्यांनी AI वापरून सिंथेटिक कन्टेन्ट तयार केले आहे की नाही हे उघड करणे आणि त्यासाठी लेबल प्रदर्शित करणे कम्पलसरी होणार आहे. कंपनी निवडणुकीशी संबंधित प्रश्नांचे प्रकार देखील प्रतिबंधित करत आहे ज्यासाठी ‘जेमिनी’ ची मदत घेतली जाईल. त्यानंतर एक डबल-चेक फीचर आहे, जे युजर्सना AI चॅटबॉटद्वारे तयार केलेल्या माहितीची पडताळणी करण्यासाठी संबंधित Google सर्चबद्दल माहिती देते.
युजर्सना ट्रान्स्परन्सी देणे
“आम्ही अलीकडे AI- जनरेटेड कन्टेन्टवर लोकांना अधिक पारदर्शकता आणि संदर्भ प्रदान करण्यात मदत करण्यासाठी क्रॉस-इंडस्ट्री प्रयत्नात सामील झालो,” अशी माहिती Google ने दिली. शिवाय, 2024 च्या सार्वत्रिक निवडणुकांमध्ये कंपनी आपल्या फीचर आणि उत्पादनांचा गैरवापर करण्यापासून आवश्यक ती खबरदारी घेणार असल्याचेही सांगितले.