इतक्या स्वस्तात येऊ शकतो OnePlus चा स्वस्त फोन; लाँच पूर्वीच Nord CE4 ची किंमत लीक

वनप्लसच्या Nord CE सीरीजचा नवीन मोबाइल OnePlus Nord CE4 १ एप्रिलला भारतात लाँच होणार आहे. याआधीच याच्या किंमतीचा खुलासा लीकमध्ये झाला आहे. त्यानुसार हा मिड रेंज मध्ये म्हणजे ३० हजार रुपयांच्या आत लाँच होऊ शकतो. विशेष म्हणजे युजर्सना Snapdragon 7 Gen 3 चिपसेट, १००वॉट चार्जिंग, ८जीबी रॅम सारखे पावरफुल फीचर्स मिळतील. चला, जाणून घेऊया फोनची संभाव्य किंमत.

OnePlus Nord CE4 ची लीक किंमत

सोशल मीडिया प्लॅटफॉर्म एक्सवर टिपस्टर योगेश बरारनं OnePlus Nord CE4 5G स्मार्टफोनची माहिती दिली आहे. त्यानुसार फोनची किंमत सुमारे २६,९९९ रुपये किंवा २७,९९९ रुपये असू शकते, जी या स्मार्टफोनच्या बेस मॉडेलची किंमत आहे.
हे देखील वाचा: OnePlus करणार कमाल! १६जीबी रॅमसह बजेट फ्रेंडली OnePlus Nord CE4 ‘या’ तारखेला येणार बाजारात

असं देखील सांगण्यात आलं आहे की OnePlus Nord CE4 ८जीबी रॅम व १२८GB स्टोरेज आणि ८जीबी रॅम व २५६जीबी स्टोरेज ऑप्शनमध्ये येईल. फोनसाठी युजर्सना डार्क क्रोम आणि सेलाडॉन मार्बल सारखे दोन कलर ऑप्शन मिळतील. ब्रँडनं याआधी देखील कंफर्म केलं आहे की हा डिव्हाइस २५६ जीबी पर्यंत स्टोरेजला सपोर्ट करेल.

OnePlus Nord CE4 चे स्पेसिफिकेशन्स

OnePlus Nord CE4 फोनमध्ये फ्लॅट कार्नर आणि स्लिम बेजेल्स असलेली डिजाइन मिळेल. मागील बाजूस ड्युअल-कॅमेरा सेटअप आणि समोर पंच-होल स्क्रीन असेल. याच्या डिस्प्ले साइजची माहिती मिळाली नाही, परंतु हा अ‍ॅमोलेड पॅनलवर सादर होऊ शकतो.

मोबाइलमध्ये चांगल्या युजर एक्सपीरियंससाठी कंपनी क्वॉलकॉम स्नॅपड्रॅगन ७ जेन ३ चिपसेटचा वापर करणार आहे. वनप्लस नॉर्ड सीई४ ५जी मध्ये ८जीबी एलपीडीडीआर४एक्स रॅम आणि २५६जीबी पर्यंत यूएफएस ३.१ स्टोरेज मिळू शकते. लीक्स आणि रिपोर्ट्सनुसार, फोनचा प्रायमरी कॅमेरा ५० मेगापिक्सलचा असेल आणि ८ मेगापिक्सलची वाइड अँगल लेन्स मिळू शकते.

स्मार्टफोनमध्ये १००वॉट SUPERVOOC फास्ट चार्जिंग मिळणार हे कंपनीनं सांगितलं आहे. वनप्लसनुसार, मोबाइल फक्त १५ मिनिटे चार्ज केल्यावर दिवसभर वापरता येईल. OnePlus Nord CE4 अँड्रॉइड १४ आधारित OxygenOS वर चालेल.