Lava O2 ची किंमत आणि उपलब्धता
Lava O2 मोबाइल ब्रँडनं भारतात सिंगल स्टोरेज ऑप्शनमध्ये बाजारात आणला आहे. फोनच्या ८ जीबी रॅम व १२८ जीबी स्टोरेज व्हेरिएंटची किंमत ८,४९९ रुपये ठेवण्यात आली आहे. तर लाँच ऑफर अंतगर्त हा फक्त ७,९९९ रुपयांमध्ये मिळेल.
हा डिवाइस इंपीरियल ग्रीन, मजिस्टिक पर्पल आणि रॉयल गोल्ड अश्या तीन कलर ऑप्शनमध्ये विकत घेता येईल. हा स्वस्त स्मार्टफोन कंपनीच्या वेबसाइट, अ‍ॅमेझॉन आणि अन्य रिटेल आउटलेट्सवर २७ मार्चपासून उपलब्ध होईल.
Lava O2 चे स्पेसिफिकेशन्स
नवीन मोबाइल Lava O2 मध्ये युजर्सना ६.५ इंचाचा मोठा एचडी प्लस डिस्प्ले मिळतो. ज्यात ९०हर्ट्झ रिफ्रेश रेट, ७२०x १६०० पिक्सल रिजोल्यूशन, २६९ पीपीआय पिक्सल डेंसिटी मिळते. तसेच, स्क्रीनवर पंच होल डिजाइन मिळते ज्यात सेल्फी कॅमेरा आहे.
Lava O2 मध्ये परफॉर्मन्ससाठी यात एंट्री लेव्हल यूनिसोक टी६१६ चिपसेटचा वापर करण्यात आला आहे. लावाच्या नवीन फोनमध्ये युजर्सना ८जीबी रॅम आणि १२८जीबी इंटरनल स्टोरेज मिळते. त्याचबरोबर ८जीबी एक्सपांडेबल रॅमचा देखील सपोर्ट आहे. म्हणजे युजर्स १६जीबी पर्यंत रॅमचा वापर करू शकतात. ऑपरेटिंग सिस्टम पाहता नवीन मोबाइल Lava O2 अँड्रॉइड १३ वर चालतो.
कॅमेरा फीचर्स पाहता हा स्मार्टफोन ड्युअल रियर कॅमेरा सेटअपसह आला आहे ज्यात एलईडी फ्लॅशसह ५० मेगापिक्सलचा AI कॅमेरा आहे. तसेच, सेल्फी आणि व्हिडीओ कॉलिंगसाठी ८ मेगापिक्सलचा फ्रंट कॅमेरा आहे. पावर बॅकअपसाठी Lava O2 डिवाइसमध्ये ५०००एमएएचची बॅटरी देण्यात आली आहे, जी चार्ज करण्यासाठी ब्रँडनं १८वॉट फास्ट चार्जिंग टेक्नॉलॉजीचा वापर केला आहे. इतर फीचर्स पाहता Lava O2 मध्ये फेस अनलॉक फीचर, साइड माउंटेड फिंगरप्रिंट सेन्सर, कनेक्टिव्हिटीसाठी ड्युअल सिम ४जी, वायफाय, ब्लूटूथ सारखे अनेक फीचर्स देण्यात आले आहेत.