Airtel नं लाँच केले हे प्लॅन
Airtel नं आपल्या युजर्ससाठी ३९ रुपये, ४९ रुपये आणि ७९ रुपयांचे तीन स्वस्त प्लॅन्स सादर केले आहेत. हे प्लॅन खास करून क्रिकेट फॅन्ससाठीच असतील, ज्यात अनलिमिटेड डेटा आणि खूप काही मिळत आहे.
३९ रुपयांचा प्लॅन: यात युजर्सना अनलिमिटेड डेटा का लाभ मिळेल. ज्याची व्हॅलिडिटी एक दिवसाची आहे. विशेष म्हणजे ज्या दिवशी हा रिचार्ज केला जाईल, त्या रात्री १२ वाजेपर्यंत वैध असेल.
४९ रुपयांचा प्लॅन: यात देखील युजर्सना अनलिमिटेड डेटा मिळेल. याची वैधता देखील १ दिवसांची असेल. यात युजर्सना Wynk प्रीमियम सब्सक्रिप्शन मिळेल ज्याची वैधता ३० दिवस आहे.
७९ रुपयांचा प्लॅन: हे देखील क्रिकेट फॅन्ससाठी एक खास प्लॅन आहे. यात युजर्सना दोन दिवसाची व्हॅलिडिटी मिळेल. Airtel च्या या बूस्टर प्लॅन्ससह TATA IPL 2024 चा आनंद घेता येईल.
एअरटेल डीटीएच ग्राहकांना चांगला अनुभव देण्यासाठी, एअरटेल डिजिटल टीव्हीनं सध्याच्या आयपीएल २०२४ सीजनसाठी स्टारस्पोर्ट्स सह भागेदारी केली आहे. या भागेदारीमुळे एअरटेल डिजिटल टीव्ही स्टार स्पोर्ट्सची अत्याधुनिक ४के सेवा देऊ शकते, ज्यामुळे क्रिकेट प्रेमींना अधिक मनोरंजक आयपीएल सीजन पाहता येईल.
एअरटेल करणार भाववाढ
भारतातील दुसरी सर्वात मोठी टेलिकॉम कंपनी लवकरच आपल्या टॅरिफ प्लॅन्समध्ये दरवाढ करू शकते. एअरटेलचे चेअरमन सुनील मित्तल यांनी एका मुलाखतीत सांगितले की कंपनी भारतात आपले टेलिकॉम दर वाढवणार आहे, जेणेकरून बाजारात टिकणे सोपं होईल. मित्तल यांनी दरवाढी कधी होईल हे मात्र सांगितलं नाही. परंतु हा बदल २०२४ च्या उत्तरार्धात होण्याची शक्यता वर्तवली जात आहे.
एअरटेलला आगामी काही महिन्यांमध्ये आपला २०८ रुपयांवर असलेला अ‍ॅव्हरेज रेव्हेन्यू पर युजर (ARPU) ३०० रुपये करायचा आहे. एअरटेल भारतात सतत आपल्या ५जी सर्व्हिसचा विस्तार करत आहे, कंपनी स्पेक्ट्रम आणि इतर इन्फ्रास्ट्रक्चर अपग्रेडसाठी बराच खर्च करत आहे. आणि त्यामुळे हा खर्च भरून काढण्याचे मार्ग कंपनी शोधत आहे.