ऑनलाइन शॉपिंग करताना चांगल्या सवलतींसाठी मदत करू शकतात ‘या’ ट्रिक्स; प्रत्येक युजरने घ्या जाणून.

आजकाल ऑनलाइन शॉपिंग खूप लोकप्रिय झाली आहे. यामुळे वेळेची बचत होते आणि भरपूर सवलतही मिळते. अशी ऑनलाइन शॉपिंग करतांना योग्य वेळी, योग्य ठिकाणी आणि योग्य पद्धतीने शॉपिंग केल्यास तुम्हाला अनेक उत्पादनांवर बरीच सवलत मिळू शकते. अशावेळी बदलत्या ट्रेंडनूसार या छोट्या मोठ्या ट्रिक्स जाणून घेणे गरजेचे ठरते.

क्रेडिट कार्ड वापर

जेव्हा बरेच लोक ऑनलाइन शॉपिंग करतात तेव्हा ते अनेकदा कॅश ऑन डिलिव्हरी किंवा डेबिट कार्डद्वारे पैसे देतात, परंतु जर तुम्हाला खरेदी केलेल्या उत्पादनावर चांगली सूट हवी असेल तर क्रेडिट कार्डद्वारे पेमेंट करणे तुमच्यासाठी फायदेशीर ठरू शकते. कारण ऑनलाइन शॉपिंग वेबसाइट्स क्रेडिट कार्ड कंपन्यांशी हातमिळवणी करतात त्यामुळे त्यांच्या उत्पादनांच्या खरेदीवर चांगल्या सवलती उपलब्ध आहेत.

वीकेंडला करू नका खरेदी

अनेकांना असे वाटते की, वीकेंडला ऑनलाइन शॉपिंग केल्याने त्यांना चांगली सूट मिळते पण याच्या अगदी उलट आहे. खरे तर वीकेंडला वेबसाइटवर जास्तीत जास्त गर्दी असते.अशा परिस्थितीत खरेदीला गेल्यास सवलत मिळण्याची शक्यता नगण्य असते आणि सवलत मिळाली तरी ती खूपच कमी असते. जर तुम्हाला उत्पादनांच्या खरेदीवर जास्तीत जास्त सूट हवी असेल तर आठवड्याच्या शेवटी खरेदी करण्याऐवजी कामाच्या दिवशी खरेदी करा कारण या दिवशी बहुतेक लोक ऑनलाइन शॉपिंग करतात.

सोशल मीडियावर फॅशन इन्फल्युएंसरचे अनुसरण करा

फॅशन इन्फल्युएंसर सहसा ऑनलाइन शॉपिंग वेबसाइट्ससह भागीदारी करतात आणि त्यांच्या उत्पादनांचा प्रचार करतात. त्या बदल्यात, त्यांना कंपनीकडून कूपन कोड दिले जातात, जे ते त्यांच्या मेम्बर्ससह शेअर करतात आणि या कूपन कोडच्या मदतीने तुम्ही खरेदीवर चांगली सूट मिळवू शकता. अशा परिस्थितीत, तुम्ही सोशल मीडियावर या फॅशन इन्फ्लुएंसर्सना नेहमी फॉलो केले पाहिजे. विशेषतः कपड्यांसारख्या उत्पादनांवर अशी सूट बऱ्याचदा मिळते.

EMI पर्यायावर खरेदी करा

जर तुम्ही एखादे महाग उत्पादन खरेदी करत असाल, तर तुम्ही ते उत्पादन EMI पर्यायावर खरेदी करण्याचा प्रयत्न केला पाहिजे, खरं तर, यामुळे तुम्हाला उत्पादनाच्या खरेदीवर चांगली सूट मिळते, कॅश पेमेंटवर अशी सवलत मिळणार नाही.