Poco C61 ची किंमत
Poco C61 च्या ६जीबी रॅम व ६४जीबी स्टोरेज व्हेरिएंटची किंमत ६,९९९ रुपये आणि ६जीबी रॅम व १२८ जीबी स्टोरेज मॉडेलची किंमत ७,९९९ रुपये आहे. हा स्मार्टफोन Mystical Green, Ethereal Blue आणि Diamond Dust Black कलर ऑप्शनमध्ये उपलब्ध आहे. पोकोनं सांगितलं आहे की सेलच्या पहिल्या दिवशी ग्राहकांना ५०० रुपयांचा कुपन डिस्काउंट मिळेल. पहिल्या दिवशी सेल नंतर फोनची किंमत बेस व्हेरिएंटसाठी ७,४९९ रुपये आणि टॉप मॉडेलसाठी ८,४९९ रुपये होईल.
ग्राहक Flipkart Axis बँक कार्ड कॅशबॅक ऑफरसह ५ टक्के कॅशबॅक देखील मिळवू शकतात. तसेच ग्राहक ६२९ दरमहा पासून सुरु होणाऱ्या ICICI बँक डेबिट कार्ड EMI ऑप्शन देखील निवडू शकतात.
Poco C61 चे स्पेसिफिकेशन्स
पोको सी६१ फोनमध्ये ६.७१ इंचाचा आयपीएस एलसीडी एचडी+ डिस्प्ले १६५० x ७२० पिक्सल रिजॉल्यूशन, १८० हर्ट्झ टच सॅम्पलिंग रेट, ९० हर्ट्झ रिफ्रेश रेट आणि ५०० निट्स पीक ब्राइटनेस मिळते. सोबत गोरिल्ला ग्लास ३ ची लेयर आहे. फोनमध्ये हेलियो जी३६ चिपसेट देण्यात आला आहे.
हा फोन ४जीबी आणि ६जीबी रॅम + ६४ जीबी तथा १२८ जीबी इंटरनल स्टोरेज मुळे कमी बजेट मधेही चांगली परफॉर्मन्स देऊ शकतो. त्याचबरोबर स्टोरेज वाढवण्यासाठी मायक्रोएसडी कार्ड स्लॉट देखील आहे. ज्याच्या मदतीनं १टीबी पर्यंत स्टोरेज वाढवता येईल. नवीन पोको सी६१ मध्ये युजर्सना बॅक पॅनलवर AI टेक्नॉलॉजी असलेला ड्युअल कॅमेरा देण्यात आला आहे. यात ८-मेगापिक्सलचा प्रायमरी मिळतो. तसेच, सेल्फी व वीडियो कॉलिंगसाठी ५-मेगापिक्सलचा फ्रंट कॅमेरा देण्यात आला आहे.
नवीन पोको मोबाइलमध्ये ब्रँडनं बॅकअपसाठी ५००० एमएएचची बॅटरी दिली आहे. ही चार्ज करण्यासाठी USB-C पोर्टच्या माध्यमातून १० वॉट चार्जिंगचा सपोर्ट मिळत आहे. कंपनीनं ही वीकेंड बॅटरी नावाने सादर केली आहे म्हणजे फोनमध्ये मोठा बॅकअप मिळण्याची शक्यता आहे. POCO C61 फोनमध्ये सुरक्षेसाठी साइड-फेसिंग फिंगरप्रिंट स्कॅनर, ऑडियोसाठी ३.५ मिमी हेडफोन जॅक, स्पिकर, कनेक्टिव्हिटीसाठी ड्युअल सिम ४जी, ब्लूटूथ ५.३ आणि वाय-फाय ५ देखील आहे.