सर्वात पावरफुल Motorola फोन येतोय बाजारात; वनप्लसला धूळ चारणार का Edge 50 Ultra?

Motorola एप्रिलच्या सुरुवातीला मोटोरोला एज ५० सीरीज ग्लोबल मार्केटमध्ये लाँच करणार आहे. कंपनीनं या लाइनअपमध्ये येणाऱ्या Motorola Edge 50 Pro च्या लाँचिंगची माहिती दिली आहे. परंतु आतापर्यंत इतर मॉडेलबद्दल कोणतेही अपडेट देण्यात आले नाहीत. अलीकडेच Motorola Edge 50 Fusion ची इमेज लीक झाली होती. आता एक नवीन रिपोर्ट समोर आला आहे, ज्यातून अपकमिंग सीरीजच्या टॉप एन्ड मॉडेल Motorola Edge 50 Ultra ची माहिती मिळाली आहे.

ट्रिपल कॅमेरा सेटअपसह येईल

मीडिया रिपोर्टमध्ये सांगण्यात आलं की Motorola Edge 50 Ultra तीन कलर ऑप्शन Beige, Black आणि Peach Fuzz मध्ये सादर केला जाईल. लीक रेंडर्सनुसार, एज ५० अल्ट्राची डिजाइन भारतात लाँच होणाऱ्या मोटोरोला एज ५० प्रो सारखीच आहे. याच्या मागे लेदर पॅनल मिळेल, तर फ्रंटला कर्व्ड स्क्रीन आहे. याचा कॅमेरा मॉड्यूल रेक्टेंगुलर शेपचा आहे, जो खूप ग्लोसी वाटत आहे. यात तीन कॅमेरा लेन्ससह पिल शेप LED फ्लॅश लाइट आहे. यात ५० मेगापिक्सलची लेन्स असेल आणि लेजर ऑटो-फोकस सपोर्ट देखील मिळेल.

अपकमिंग स्मार्टफोनमध्ये सेंटर-पंच होल असलेला OLED डिस्प्ले देण्यात आला आहे. याच्या उजवीकडे पावर आणि वॉल्यूम बटन आहेत. खालच्या बाजूला स्पिकर आणि सिम ट्रे आहे. यात चार्जिंगसाठी यूएसबी टाईप-सी पोर्ट पण मिळतो.

प्रोसेसर आणि बॅटरी

याआधी आलेल्या लीक्सनुसार, Motorola Edge 50 Ultra मध्ये फास्ट चार्जिंगला सपोर्ट करणारी ५०००एमएएचची बॅटरी दिली जाऊ शकते. पावरसाठी फोनमध्ये क्वॉलकॉमचा सर्वात पावरफुल प्रोसेसर मिळेल. तसेच, फोनमध्ये फेस अनलॉक, फिंगरप्रिंट सेन्सरसह जीपीएस, ब्लूटूथ, ५जी, ऑडियो जॅक आणि वाय-फाय दिला जाईल. तसेच, हा मोबाइल फोन अँड्रॉइड १४ वर चालेल.

संभाव्य किंमत

मोटोरोलानं सध्या या डिवाइसच्या लाँच बद्दल कोणतीही माहिती दिली नाही, परंतु लीक्स व रिपोर्ट्सनुसार, एज ५० अल्ट्रा ३ एप्रिलला लाँच केला जाऊ शकतो. याची किंमत ९९९ डॉलर (सुमारे ८३,३०० रुपये) च्या आसपास ठेवली जाऊ शकते. त्यामुळे जागतिक बाजारात Apple, Samsung, Oppo, Realme, OnePlus आणि Vivo सारखे स्मार्टफोन ब्रँडच्या मॉडेल्सना चांगली टक्कर मिळू शकते.