OnePlus Nord CE4 ची किंमत
वनप्लस नॉर्ड सीई४ ५जी दोन व्हेरिएंट्समध्ये लाँच झाला आहे. याच्या बेस व्हेरिएंटमध्ये ८जीबी रॅमसह १२८जीबी स्टोरेज मिळते, ज्याची किंमत २४,९९९ रुपये आहे. तर ८जीबी रॅम व २५६जीबी स्टोरेज मॉडेल २६,९९९ रुपयांमध्ये विकत घेता येईल. हा वनप्लस फोन Dark Chrome आणि Celadon Marble कलरमध्ये विकत घेता येईल. फोनच्या प्री-बुकिंगवर २,१९९ रुपयांचे OnePlus Nord Buds 2r मोफत दिले जात आहेत. तसेच ICICI Credit कार्ड व OneCard वर १५०० रुपयांचा डिस्काउंट तसेच HDFC Debit कार्डवर १५०० रुपये आणि Credit Card EMI वर १२५० रुपयांची सूट दिली जात आहे.
OnePlus Nord CE4 चे स्पेसिफिकेशन्स
वनप्लस नॉर्ड सीई४ ५जी फोन २४१२ × १०८० पिक्सल रेजोल्यूशन असलेल्या ६.७ इंचाच्या फुलएचडी+ पंच-होल डिस्प्लेला सपोर्ट करतो. ही स्क्रीन फ्लूइड अ‍ॅमोलेड पॅनलवर बनली आहे जी १२०हर्ट्झ रिफ्रेश रेट आणि २१६०हर्ट्झ पीडब्ल्यूएम डिमिंगला सपोर्ट करते. हा वनप्लस फोन अँड्रॉइड १४ वर लाँच झाला आहे जो ऑक्सीजन ओएस १४ वर चालतो. तसेच प्रोसेसिंगसाठी यात क्वॉलकॉम स्नॅपड्रॅगन ७ जेन ३ ऑक्टाकोर प्रोसेसर देण्यात आला आहे जो २.६३गीगाहर्ट्झ क्लॉक स्पीडवर चालतो.
OnePlus Nord CE4 5G फोन ८जीबी रॅमवर लाँच करण्यात आला आहे. फोनमध्ये ८जीबी एक्सपांडेबल रॅम टेक्नॉलॉजी देखील आहे जी फिजिकल रॅमसह मिळून १६जीबी रॅमची पावर देते. नॉर्ड सीई४ मध्ये १२८जीबी व २५६जीबी स्टोरेज मिळते जी १टीबी पर्यंत वाढवता येते.फोटोग्राफीसाठी नॉर्ड सीई४ ५जी फोनच्या बॅक पॅनलवर ५० मेगापिक्सलचा सोनी एलवायटी६०० मेन सेन्सर देण्यात आला आहे जो ८ मेगापिक्सल अल्ट्रा वाइड आयएमएक्स३५५ लेन्ससह चालतो. तसेच फ्रंटला १६ मेगापिक्सलचा सेन्सर आहे.
पावर बॅकअपसाठी वनप्लस नॉर्ड सीई४ मध्ये ५,५००एमएएचची बॅटरी आहे. मोठी बॅटरी वेगानं चार्ज करण्यासाठी मोबाइलमध्ये १००वॉट फास्ट चार्जिंग टेक्नॉलॉजी देण्यात आली आहे जी कंपनीच्या दाव्यानुसार फक्त २९ मिनिटांत हा फोन १% ते १०० टक्क्यांपर्यंत चार्ज करू शकते. OnePlus Nord CE4 5G फोन IP54 रेटेड आहे. यात यूएसबी टाइप सी २.०, ब्लूटूथ ५.४ आणि वायफाय सारखे कनेक्टिव्हिटी फीचर्स मिळतात.