मेष – पैशांच्या देवाणघेवाणीचा व्यवहार पूर्ण करा
मेष राशीच्या लोकांसाठी आजचा दिवस परोपकाराचे कार्य करण्यात जाईल. तुम्ही आज स्वतःच्या कामापेक्षा इतरांच्या कामात जास्त लक्ष द्याल. कामाच्या ठिकाणी तुम्हाला काही कामे वेळेवर पूर्ण करावी लागतील. नाहीतर तुमचे विरोधक तुमच्या प्रगतीत अडथळा आणण्याचा प्रयत्न करण्याची शक्यता आहे. तुमच्या जोडीदाराची तब्येत अचानक बिघडल्यामुळे तुम्हाला त्रास होऊ शकतो. तुम्हाला एखादा पैश्यांच्या देवाणघेवाणीचा जुना व्यवहार वेळेत पूर्ण करावा लागेल, नाहीतर तुम्हाला अडचणींना सामोरे जावे लागेल.
आज भाग्य ९२ टक्के तुमच्या सोबत असेल. गरजवंताला मदत करा.
PC:freepik.com
वृषभ – आरोग्याशी संबंधित समस्या दूर होईल
वृषभ राशीच्या लोकासंठी आजचा दिवस सुखद परिणाम घेऊन येणार आहे. तुम्हाला तुमच्या मुलाकडून काही उत्साहवर्धक बातम्या मिळतील. जर तुम्ही आरोग्याशी संबंधित एखाद्या समस्येशी झुंजत असाल तर ती देखील आज दूर होईल. आज तुमच्या घरी पाहुण्यांच्या आगमनामुळे घरातील वातावरण प्रसन्न राहील. आज काही शुभ कार्यामुळे घरात कुटुंबातील सदस्यांचे येणेजाणे सुरू असेल. तुमच्या भूतकाळातील काही चुका आज समोर येतील, तरीही लोक तुमच्यावर रागावणार नाहीत. आज तुम्ही तुमच्या वाढत्या खर्चावर नियंत्रण ठेवण्याचा पूर्ण प्रयत्न कराल.
आज भाग्य ७५ टक्के तुमच्या सोबत असेल. गणपतीला लाडवाचा नैवेद्य अर्पण करा.
PC:freepik.com
मिथुन – कामाची अधिक जबाबदारी पडेल
मिथुन राशीच्या लोकांसाठी आजचा दिवस प्रगतीचा दिवस असेल. तुम्हाला नवीन मालमत्ता मिळण्याची शक्यता आहे. मात्र तुम्हाला त्या मालमत्तेच्या स्थावर आणि जंगम पैलू स्वतंत्रपणे तपासून घ्याव्या लागतील. कामाच्या ठिकाणी अधिकारी तुमच्यावर अधिक कामाची जबाबदारी सोपवू शकतात. ज्यामुळे तुम्ही त्यात व्यस्त राहाल. तुम्ही तुमच्या कुटुंबातील सदस्यांसाठीही वेळ काढू शकणार नाही. आज तुम्हाला एखाद्या मित्राच्या घरी मेजवानीसाठी जाण्याची संधी मिळू शकते. प्रवासात काळजी घ्या, नाहीतर समस्या उद्भवू शकतात.
आज भाग्य ८१ टक्के तुमच्या सोबत असेल. योगसाधना प्राणायाम करा.
PC:freepik.com
कर्क – आर्थिक परिस्थिती उत्तम होईल
कर्क राशीच्या लोकांना आजच्या दिवशी अचानक लाभ होण्याची शक्यता आहे. तुमच्या आर्थिक परिस्थिती आज उत्तम झाल्यामुळे आज तुम्ही आनंदी असाल. आज तुम्ही कुटुंबातील कोणत्याही सदस्याच्या करिअरशी संबंधित कोणताही निर्णय घाईघाईने आणि भावनेच्या आहारी जाऊन घेऊ नका, नाहीतर तुम्हाला पुढे समस्यांचा सामना करावा लागू शकतो. तुमचा सन्मान आणि प्रतिष्ठा देखील वाढेल. तुम्हाला तुमच्या भूतकाळातील काही चुकांचा पश्चाताप होईल, ज्यासाठी तुम्हाला माफीही मागावी लागेल.
आज भाग्य ८८ टक्के तुमच्या सोबत असेल. भगवान विष्णूच्या नामाचा १०८ वेळा जप करा.
PC:freepik.com
सिंह – जास्त कामामुळे थकवा जाणवेल
सिंह राशीच्या मंडळींसाठी आजचा दिवस संमिश्र फलदायक ठरणार आहे. तुम्ही तुमच्या खाण्यापिण्याच्या सवयींची विशेष काळजी घेतली पाहिजे आणि त्यात बदल केला पाहिजे, नाहीतर काही तरी समस्या उद्भवू शकते. आज तुमचे एखादे रखडलेले काम वेळेवर पूर्ण होईल. जास्त कामामुळे थकवा जाणवू शकतो. आज तुम्ही स्पर्धेच्या क्षेत्रातही पुढे जाल. तुमचे सर्व विचार एखाद्या तिऱ्हाईत व्यक्तीला सांगू नका, अन्यथा ते तुमची नंतर चेष्टा करू शकतात. तुमचा एखादा जुना मित्र खूप दिवसांनी भेटेल.
आज भाग्य ७१ टक्के तुमच्या सोबत असेल. भुकेलेल्यास अन्न खाऊ घाला.
PC:freepik.com
कन्या – उधार दिलेले पैसे परत मिळतील
कन्या राशीच्या मंडळींसाठी आजचा दिवस आनंदाचा जाणार आहे. आज सर्जनशील कार्यात तुमचे मन लागेल. आज तुम्हाला कौटुंबिक समस्यांकडे दुर्लक्ष करणे टाळावे लागेल, नाहीतर त्यामुळे तुमच्या नात्यात कडवटपणा निर्माण होऊ शकतो. जर तुम्ही यापूर्वी एखाद्याला पैसे उधार दिले असतील तर आज ते पैसे परत मिळाल्याने तुम्हाला आनंद होईल. आज तुम्हाला कामाच्या ठिकाणी काही अडचण आली तरी तुम्हाला चिडचिड करणे टाळावे लागेल.
आज भाग्य ८२ टक्के तुमच्या सोबत असेल. श्वेत रेशमी वस्त्राचे दान करा.
PC:freepik.com
तूळ – प्रतिकूल हवामानाचा परिणाम होईल
तूळ राशीच्या लोकांच्या जीवनातील आजचा दिवस काही विशेष यश घेऊन येणार आहे. जोडीदाराच्या सहकार्याने आणि सहवासाने मन प्रसन्न राहील. बदलत्या हवामानाच्या प्रतिकूल परिस्थितीचा तुमच्या आरोग्यावर परिणाम होऊ शकतो, ज्यामुळे तुम्हाला सर्दी, खोकला इत्यादी समस्या होऊ शकतात. तुम्हाला उत्पन्नाचे काही नवीन मार्ग सापडतील. तुमची कोणतीही जुनी चूक आज तुमच्यासाठी अडचणीचे कारण बनू शकते. तुम्हाला जवळच्या प्रवासाला जाण्याची संधी मिळेल असे दिसते. तुमचे एखादे प्रलंबित काम तुम्हाला लवकर पूर्ण करावे लागेल.
आज भाग्य ९६ टक्के तुमच्या सोबत असेल. संकटनाशक गणेश स्तोत्राचे रोज पठण करा.
PC:freepik.com
वृश्चिक – जुने कर्ज मोठ्या प्रमाणात फेडाल
पैशाच्या बाबतीत आजचा दिवस वृश्चिक राशीच्या लोकांसाठी चांगला असणार आहे. तुमच्या उत्पन्नात वाढ झाल्यामुळे तुम्ही तुमचे काही जुने कर्ज मोठ्या प्रमाणात फेडू शकाल. आज तुमची एखाद्या प्रभावशाली व्यक्तीशी भेट होईल, जो तुमच्यासाठी काही विशेष माहिती आणू शकेल. तुमच्या एखाद्या सदस्यासोबत वाद झाला तर बोलण्यात गोडवा ठेवा, नाहीतर नात्यात दुरावा येऊ शकतो. तुम्हाला तुमच्या मुलांकडून काही चांगली बातमी कळू शकते.
आज भाग्य ७९ टक्के तुमच्या सोबत असेल. पहाटे भगवान सूर्याला तांब्याच्या भांड्यातून जल अर्घ्य अर्पण करा.
PC:freepik.com
धनू – जोडीदाराशी वाद होईल
आजचा दिवस धनू राशीच्या लोकांच्या सांसारिक सुखांमध्ये वाढ करणारा ठरणार आहे. काही प्रकरणांमध्ये, तुम्हाला कोर्टाच्या फेऱ्या माराव्या लागण्याची शक्यता आहे. तुमचा तुमच्या जोडीदाराशी एखाद्या मुद्द्यावरून वाद होऊ शकतो, ज्यामुळे तुम्ही तणावात राहाल. तुम्ही तुमच्या दैनंदिन जीवनावश्यक वस्तूंच्या खरेदीवरही भरपूर पैसे खर्च कराल. तुमचे काही नवीन विरोधक निर्माण होऊ शकतात. त्यांच्यापासून तुम्ही सावध राहणे आवश्यक आहे.
आज भाग्य ७७ टक्के तुमच्या सोबत असेल. श्री गणेश चालिसाचे पठण करा.
PC:freepik.com
मकर – कौटुंबिक जबाबदाऱ्या तुम्ही पार पाडाल
मकर राशीच्या लोकांसाठी आजचा दिवस अनुकूल असणार आहे. जर तुम्ही तुमच्या व्यवसाय योजनांमध्ये बदल केले असतील तर ते तुमच्यासाठी हानिकारक ठरू शकतात. कौटुंबिक जबाबदाऱ्या तुम्ही सहज पार पाडू शकाल. कोणतेही वाहन वापरताना सावधगिरी बाळगा, नाहीतर त्यात अचानक काही बिघाड झाल्यामुळे तुम्हाला आर्थिक भुर्दंड पडू शकतो. तुम्ही एखाद्या मित्राच्या घरी मेजवानीसाठी जाऊ शकता, जिथे तुम्हाला एखादी चांगली बातमी कळू शकते. एखाद्याला मदत करण्याची संधी मिळाली तर नक्कीच करा.
आज भाग्य ६८ टक्के तुमच्या सोबत असेल. गाईंना गूळ खाऊ घाला.
PC:freepik.com
कुंभ – कुटुंबातील सदस्याची तब्येत बिघडेल
कुंभ राशीच्या लोकांसाठी आजचा दिवस खूप व्यस्त असणार आहे. कुटुंबातील एखाद्या सदस्याची तब्येत बिघडल्यामुळे तुम्ही धावपळ कराल आणि थोडे चिंताग्रस्त राहाल. तुमचे खर्च वाढतील, त्यामुळे तुमच्या खर्चाचे अंदाजपत्रक बिघडू शकते. जे कोणी प्रॉपर्टी डील करणार आहेत त्यांनी खूप काळजीपूर्वक सर्व काही तपासूनच सही करावी. आज तुम्हाला तुमच्या कोणत्याही मित्राला कोणत्याही बाबीवर विचार न करता होकार देणे टाळावे लागेल. तुम्हाला तुमच्या जोडीदाराकडून पूर्ण सहकार्य मिळत असल्याचे दिसते.
आज भाग्य ९८ टक्के तुमच्या सोबत असेल. बजरंग बाणाचे पठण करा.
PC:freepik.com
मीन – रखडलेला एखादा करार पूर्ण होईल
मीन राशीच्या व्यावसायिक लोकांसाठी आजचा दिवस खूप आनंददायी असणार आहे, कारण त्यांचा अनेक दिवस रखडलेला एखादा करार पूर्ण होण्याची शक्यता आहे. नवीन योजनांचा चांगला फायदा होईल. संध्याकाळी तुम्हाला काही महत्त्वाची माहिती मिळू शकते, जी तुमच्यासाठी फायदेशीर ठरेल. तुम्हाला तुमच्या एखाद्या समस्येविषयी तुमच्या पालकांसोबत चर्चा करण्याची संधी मिळेल, ज्यामुळे तुमचा मानसिक भारही कमी होईल. विद्यार्थ्यांना बौद्धिक आणि मानसिक ओझ्यातून आराम मिळत असल्याचे दिसते.
आज भाग्य ७६ टक्के तुमच्या सोबत असेल. मुंग्यांना पीठ खाऊ घाला.
PC:freepik.com