WhatsApp Status Notification
व्हॉट्सअ‍ॅपचे नवीन फीचर ट्रॅक करणारी साइट wabetainfo नं आपल्या एका रिपोर्टमध्ये सांगितलं आहे की Google Play Store वर अँड्रॉइड २.२४.६.१९ बीटा अपडेट आहे, ज्यामुळे समजेल की ज्यांनी स्टेटस पाहिलं नाही त्या युजर्सना नोटिफिकेशन मिळेल.
स्टेटस न पाहिल्यावर मिळेल नोटिफिकेशन
स्क्रीनशॉटमध्ये दिसत आहे की व्हॉट्सअ‍ॅपचं नवीन फीचर त्या युजर्सना स्टेटस बघण्यासाठी नोटिफिकेशन पाठवत आहे, ज्यांनी स्टेटसमध्ये मेंशन केल्यावर देखील पाहिलं नाही. त्यामुळे एक गोष्ट नक्की होईल की युजर्सना थेट अपडेट्स मिळत राहतील आणि त्यांच्यातील संवाद सुधारेल. त्यामुळे युजर्सचा एक्सपीरियंस देखील अनेक पटीनं वाढेल.
फीचरवर सुरु आहे काम
रिपोर्टमध्ये पुढे सांगण्यात आलं आहे की व्हॉट्सअ‍ॅपचं अपकमिंग फीचर स्टेटस नोटिफिकेशन सध्या डेव्हलपमेंट आहे. हे लवकरच बीटा युजर्ससाठी रिलीज केलं जाऊ शकतं. टेस्टिंग पूर्ण झाल्यावर ही सुविधा स्टेबल युजर्ससाठी रोलआउट केली जाईल.
लिंक प्रिव्यू करता येईल बंद
मेसेजिंग प्लॅटफॉर्म व्हॉट्सअ‍ॅप सध्या स्टेटस नोटिफिकेशन व्यतिरिक्त लिंक प्रिव्यूसाठी देखील नवीन फीचर घेऊन येत आहे. याची माहिती वेबीटाइंफोच्या एका रिपोर्टमधून मिळाली आहे. रिपोर्टमध्ये दावा करण्यात आला आहे की युजर्सना सेटिंगमध्ये लिंक प्रिव्यू बंद करण्याची सुविधा मिळेल. त्यामुळे युजर्सची प्रायव्हसी कायम राहील. हे फीचर सध्या बीटा युजर्ससाठी रोलआउट करण्यात आला आहे. आशा आहे की युजर्सना येत्या काही दिवसांत या सर्व्हिसचा सपोर्ट मिळू लागेल.
लवकरच वाचता येईल व्हॉइस चॅट
व्हॉईस चॅट संदर्भातही व्हॉट्सअप नवीन फिचर घेऊन येणार आहे. यात लवकरच व्हॉइस चॅटवर टॅप केल्यास यूजर मेसेज सहज वाचू आणि ऐकू शकतील. यूजर्सला व्हॉईस मेसेजवर टॅप करावे लागेल. यानंतर, संदेशाच्या खाली लिहिलेले ट्रान्सक्रिप्शन दिसेल.