Samsung Galaxy Tab A9 Kids Edition मधील फिचर
हा गॅलेक्सी टॅब Crayon stylus सह येतो, जो क्रेयॉन सारखा दिसतो. यातील Parental Controls मुलांच्या अ‍ॅक्टिव्हिटी ट्रॅक करू शकतो. सॅमसंगनं आपल्या नवीन टॅबलेट किड-फ्रेंडली बनवण्यासाठी त्याचबरोबर Kids Puffy case देखील दिला आहे. कंपनीनं अनेक आर्कषक stickers देखील दिले आहेत. Galaxy Tab A9 Kids Edition सह 15W travel adapter देखील मिळत आहे.
Samsung Galaxy Tab A9 Kids Edition चे स्पेसिफिकेशन्स
सॅमसंग गॅलेक्सी टॅब ए९ किड्स एडिशन १३४० x ८०० पिक्सल रेजोल्यूशन असलेल्या ८.७ इंचाच्या डब्ल्यूएक्सजीए+ स्क्रीनसह लाँच झाला आहे. हा डिस्प्ले टीएफटी पॅनलवर बनला आहे जो ६०हर्ट्झ रिफ्रेश रेटवर चालतो.
हा सॅमसंग टॅबलेट अँड्रॉइड १३ वर लाँच झाला आहे ज्यात प्रोसेसिंगसाठी २.२गीगाहर्ट्झ क्लॉक स्पीडवर चालणारा मीडियाटेक हेलियो जी९९ चिपसेट देण्यात आला आहे. तसेच ग्राफिक्ससाठी हा टॅब जी५७ जीपीयूला सपोर्ट करतो.
फोटोग्राफीसाठी Samsung Galaxy Tab A9 Kids Edition च्या बॅक पॅनलवर ८ मेगापिक्सल रियर सेन्सर मिळतो. तसेच व्हिडीओ कॉलिंग आणि व्हिडीओ कांफ्रेंसिंगसाठी या सॅमसंग टॅबलेटमध्ये २ मेगापिक्सलचा फ्रंट कॅमेरा देण्यात आला आहे. टॅबलेटमध्ये ५,१००एमएएचची बॅटरी मिळते.
Samsung Galaxy Tab A9 Kids Edition ची किंमत
हा सॅमसंग टॅबलेट ४जीबी रॅमसह लाँच झाला आहे जो ६४जीबी स्टोरेजला सपोर्ट करतो. या डिवाइसची किंमत ७९९ मलेशियन रिंगिट आहे जी इंडियन करंसीनुसार १४,००० रुपयांच्या आसपास आहे. मलेशियामध्ये हा टॅबलेट Mystic Silver कलरमध्ये आला आहे तसेच आशा आहे की लवकरच हा भारतात देखील लाँच होऊ शकतो.