भाजप कार्यकर्त्यांच्या मेळाव्यात बोलताना पाटील यांनी वादग्रस्त वक्तव्य करून ऐन निवडणुकीच्या धामधुमीत वाद ओढवून घेतला आहे. भाजप कार्यकर्त्यांच्या मेळाव्यात व्यासपीठावर कर्नाटकचे माजी मुख्यमंत्री जगदीश शेट्टर, खासदार मंगल अंगडी यांच्यासह भाजपची नेते मंडळी उपस्थित होती.
या साऱ्यांच्या उपस्थितीत भाषण करताना माजी आमदार संजय पाटील यांची जीभ घसरली आणि त्यांनी मंत्री लक्ष्मी हेब्बाळकर यांच्याविषयी वादग्रस्त वक्तव्य केले.
‘माजी आमदार संजय पाटील यांनी वादग्रस्त वक्तव्य करून केवळ माझा अपमान केला नाही तर संपूर्ण कर्नाटकातील महिलांचा अवमान केला आहे. भाजप महिला सबलीकरण विरोधात असून संजय पाटील यांचे वक्तव्य म्हणजे भाजपचा छुपा अजेंडा आहे,’ अशी टीका मंत्री लक्ष्मी हेब्बाळकर यांनी केली आहे.
Read Latest Maharashtra News Updates And Marathi News
बेळगाव लोकसभा मतदारसंघात काँग्रेस पक्षातर्फे मंत्री लक्ष्मी हेब्बाळकर यांचे पुत्र मृणाल हेब्बाळकर हे भाजप उमेदवार जगदीश शेट्टर यांच्या विरोधात निवडणूक लढवत आहेत.