रेडमीला टक्कर देण्यासाठी नवीन सीरिज बाजारात; अत्यंत कमी किंमतीत realme P1 5G ची एंट्री

रियलमीनं आज पासून भारतात एक नवीन स्मार्टफोन सीरीज ‘realme P series‘ ची सुरुवात केली आहे. या सीरिजमध्ये दोन मोबाइल फोन realme P1 5G आणि realme P1 Pro 5G चा समावेश करण्यात आला आहे. दोन्ही फोन कमी किंमतीत दाटसर फीचर्स आणि स्पेसिफिकेशन्स देतात. सीरीजच्या बेस मॉडेल रियलमी पी१ ५जी फोनची किंमत, ऑफर्स आणि सेलसह इतर डिटेल्स तुम्ही पुढे वाचू शकता.

realme P1 5G ची किंमत

रियलमी पी१ ५जी फोन दोन मेमरी व्हेरिएंट्समध्ये लाँच झाला आहे. याच्या बेस मॉडेलमध्ये ६जीबी रॅमसह १२८जीबी स्टोरेज देण्यात आली आहे ज्याची किंमत १५,९९९ रुपये आहे. तसेच मोठा व्हेरिएंट ८जीबी रॅमसह २५६जीबी स्टोरेजला सपोर्ट करतो आणि याची किंमत १८,९९९ रुपये आहे. कंपनी realme P1 5G ६जीबी वर १ हजार तर ८जीबी मॉडेलवर २ हजारांचा डिस्काउंट देत आहे ज्यामुळे हे व्हेरिएंट अनुक्रमे १४,९९९ रुपये व १६,९९९ रुपयांमध्ये विकत घेता येतील. या रियलमी मोबाइलची विक्री शॉपिंग साइट फ्लिपकार्टवर होईल.

realme P1 5G Specifications

रियलमी पी१ ५जी फोनमध्ये फ्लॅट स्क्रीन देण्यात आली आहे. हा मोबाइल २४१२ X १०८० पिक्सल रेजोल्यूशन असलेल्या ६.६७ इंचाच्या फुलएचडी+ डिस्प्लेसह लाँच झाला आहे जो अ‍ॅमोलेड पॅनलवर बनला आहे. यात १२०हर्ट्झ रिफ्रेश रेट, २४०हर्ट्झ टच सॅम्पलिंग रेट व ६००निट्स ब्राइटनेससह इन-डिस्प्ले फिंगरप्रिंट सेन्सर मिळतो.

रियलमी पी१ मीडियाटेक डायमेन्सिटी ७०५० ऑक्टाकोर प्रोसेसरसह लाँच झाला आहे. हा ६नॅनोमीटर फॅब्रिकेशनवर बनलेला मोबाइल चिपसेटसह आहे जो २.६गीगाहर्ट्झ पर्यंतच्या क्लॉक स्पीडवर चालू शकतो. तसेच ग्राफिक्ससाठी या फोनमध्ये माली-जी६८ जीपीयू आहे. रियलमी पी१ ५जी स्मार्टफोन अँड्रॉइड १४ वर लाँच झाला आहे जो रियलमी युआय ५.० सह चालतो. कंपनी ४ वर्ष Android Software update तर ३ वर्ष security update.

realme P1 5G फोन RAM UFS3.1 + LPDDR4X Storage टेक्नॉलॉजीवर चालतो. हा मोबाइल ८जीबी वचुर्अल रॅमला सपोर्ट करतो ज्यामुळे फोनच्या फिजिकल रॅमसह मिळून एकूण १६जीबी रॅम पर्यंतची ताकद मिळते. या फोनमध्ये २५६जीबी पर्यंतची इंटरनल स्टोरेज मिळते जी मायक्रोएसडी कार्डच्या माध्यमातून १टीबी पर्यंत वाढवता येते.

फोटोग्राफीसाठी रियलमी पी१ ड्युअल रियर कॅमेऱ्याला सपोर्ट करतो. ह्याच्या बॅक पॅनलवर एफ/१.८ अपर्चर असलेला ५० मेगापिक्सलचा सोनी एलवायटी६०० सेन्सर देण्यात आला आहे जो एफ/२.४ अपर्चर असलेल्या २ मेगापिक्सलच्या ब्लॅक अँड व्हाईट सेन्सरसह चालतो. तसेच सेल्फीसाठी या फोनमध्ये एफ/२.४५ अपर्चर असलेला १६ मेगापिक्सलचा फ्रंट कॅमेरा देण्यात आला आहे.

realme P1 5G फोन ६७वॉट फास्ट चार्जिंग टेक्नॉलॉजीला सपोर्ट करतो. या मोबाइलमध्ये ५,०००एमएएचची बॅटरी देण्यात आली आहे. तसेच कंपनीनं यात आयपी५४ रेटिंग, ड्युअल स्टिरिओ स्पीकर, मिनी कॅप्सूल २.०, रेनवॉटर स्मार्ट टच आणि ३डी व्हीसी कुलिंग सिस्टम असे फिचर दिले आहेत. कनेक्टिव्हिटीसाठी यात ९ ५जी बँड्स, ५गिगाहर्टझ वायफाय आणि ब्लूटूथ ५.२ मिळते.