Moto G64 5G Price in India
मोटो जी६४ ५जी दोन स्टोरेज ऑप्शन 8GB+128GB आणि 12GB+256GB मध्ये सादर करण्यात आला आहे. यांची किंमत अनुक्रमे १४,९९९ रुपये आणि १६,९९९ रुपये आहे. यावर १००० रुपयांचा डिस्काउंट दिला जात आहे. या डिवाइसची विक्री २३ एप्रिलपासून ऑफिशियल वेबसाइट आणि ई-कॉमर्स प्लॅटफॉर्म Flipkart वर सुरु होईल.
Moto G64 5G Specifications
Moto G64 5G नव्या अँड्रॉइड १४ ऑपरेटिंग सिस्टमवर चालतो. स्मूद फंक्शनिंगसाठी स्मार्टफोनमध्ये MediaTek Dimensity 7025 प्रोसेसर 12GB पर्यंत RAM आणि 256GB पर्यंत इंटरनल स्टोरेज देण्यात आली आहे. या फोनमध्ये ६.५ इंचाचा एफएचडी प्लस डिस्प्ले मिळतो. यावर प्रोटेक्शनसाठी गोरिल्ला ग्लास देण्यात आला आहे. याचा रिफ्रेश रेट 120Hz आणि टच सॅम्पलिंग रेट 240Hz आहे.
मोटो जी६४ ५जी मध्ये ड्युअल रियर कॅमेरा सेटअप आहे. ज्यात OIS सपोर्टसह ५०मेगापिक्सलचा मुख्य कॅमेरा आणि ८मेगापिक्सलचा अल्ट्रा वाइड अँगल सेन्सर आहे. सेल्फीसाठी १६ मेगापिक्सलचा कॅमेरा मिळतो. त्याचबरोबर हँडसेट मध्ये पोट्रेट, लाइव्ह आणि नाइट मोड सारखे कॅमेरा फीचर्स देखील मिळतात.
मोटोरोलानं या स्मार्टफोनमध्ये ६०००एमएएचची मोठी बॅटरी दिली आहे, जी ३३वॉट फास्ट चार्जरच्या माध्यमातून चार्ज केली जाऊ शकते. यात ब्लूटूथ, वाय-फाय, जीपीएस, ऑडियो जॅक आणि यूएसबी टाईप-सी पोर्ट सारखे स्पेक्स देण्यात आले आहेत. या फोनचे वजन १९२ ग्राम आहे.
शानदार साउंडसाठी मोटोरोलाच्या नवीन मोबाइल फोनमध्ये Dolby Atmos चा सपोर्ट मिळतो. यात सुरक्षेसाठी फेस अनलॉकसह फिंगरप्रिंट सेन्सरचा सपोर्ट देखील देण्यात आला आहे.