Motorola Edge 50 Ultra, Motorola Edge 50 Fusion ची किंमत
Motorola Edge 50 Ultra ची किंमत ९९९ युरो (जवळपास ८८,९०० रुपये) आहे, तसेच Motorola Edge 50 Fusion ची किंमत ३९९ युरो (जवळपास ३५,९०० रुपये) आहे. फोन येत्या काही आठवड्यांमध्ये आशिया, युरोप, लॅटिन अमेरिका आणि ओशिनिया निवडक बाजारांमध्ये विक्रीसाठी उपलब्ध होतील. मोटोरोलानं या दोन्ही फोनच्या भारतीय लाँचची माहिती मात्र दिली नाही.
Motorola Edge 50 Ultra वीगन लेदर फिनिश आणि थर्ड नॉर्डिक वुड पॅटर्नसह फॉरेस्ट ग्रे आणि पीच फज शेड्समध्ये उपलब्ध आहे. तसेच Motorola Edge 50 Fusion हॉट पिंक आणि मार्शमॅलो ब्लू कलर्समध्ये उपलब्ध झाला आहे जो वीगन लेदर बॅक आणि फॉरेस्ट ब्लू ऑप्शनसह येतो.
Motorola Edge 50 Ultra चे फीचर्स आणि स्पेसिफिकेशन
Motorola Edge 50 Ultra मध्ये ६.७ इंचाचा फुल-एचडी+ pOLED डिस्प्ले देण्यात आला आहे, ज्याचे रेजोल्यूशन १,२२० x २,७१२ पिक्सल, १४४हर्ट्झ रिफ्रेश रेट, २,५०० निट्स पीक ब्राइटनेस लेव्हल आणि ९३.८ टक्के स्क्रीन-टू-बॉडी रेशियो आहे. फोन Qualcomm Snapdragon 8s Gen 3 SoC सह आला आहे. यात १६जीबी पर्यंत एलपीडीडीआर५एक्स रॅम आणि १टीबी पर्यंत यूएफएस ४.० इनबिल्ट स्टोरेज देण्यात आली आहे. हा अँड्रॉइड १४ वर आधारित हॅलो युआयसह येतो. Edge 50 Ultra मध्ये ४,५००एमएएचची बॅटरी देण्यात आली आहे जो १२५वॉट वायर्ड आणि ५०वॉट वायरलेस फास्ट चार्जिंगला सपोर्ट करतो.
कॅमेरा सेटअप पाहता Edge 50 Ultra मध्ये ऑप्टिकल इमेज स्टेबिलाइजेशन (OIS) सपोर्टसह ५० मेगापिक्सलचा प्रायमरी रियर कॅमेरा, ५० मेगापिक्सलचा अल्ट्रा-वाइड-अँगल कॅमेरा आणि ३एक्स ऑप्टिकल झूमसह ६४ मेगापिक्सलच्या टेलीफोटो कॅमेऱ्याचा समावेश आहे. तसेच फ्रंटला ५० मेगापिक्सलचा सेल्फी कॅमेरा आहे. कनेक्टिव्हिटी ऑप्शन्समध्ये ड्युअल ५जी, ४जी, वाय-फाय, जीपीएस, ग्लोनास, गॅलीलियो, NavIC, NFC, ब्लूटूथ ५.४ आणि यूएसबी टाइप-सी पोर्टचा समावेश आहेत. सिक्योरिटीसाठी हा इन-डिस्प्ले फिंगरप्रिंट सेन्सरला सपोर्ट करेल. यात धूळ आणि पाण्यापासून सुरक्षा देण्यासाठी आयपी६८ रेटिंग आहे.
Motorola Edge 50 Fusion चे स्पेसिफिकेशन
Motorola Edge 50 Fusion मध्ये ६.७ इंचाचा फुल-एचडी+ pOLED डिस्प्ले आहे, ज्याचे रेजोल्यूशन १,०८० x २,४०० पिक्सल, रिफ्रेश रेट १४४ हर्ट्झ, १,६०० निट्स पीक ब्राइटनेस आणि ९२ टक्के स्क्रीन-टू-बॉडी रेशियो आहे. फोन क्वॉलकॉम स्नॅपड्रॅगन ७एस जेन २ चिपसेटसह येतो. यात १२जीबी पर्यंत एलपीडीडीआर५ रॅम आणि ५१२जीबी पर्यंत यूएफएस २.२ इनबिल्ट स्टोरेज देण्यात आली आहे. हा फोन अँड्रॉइड १४ आधारित हॅलो युआयवर चालतो. Edge 50 Fusion मध्ये ६८वॉट फास्ट चार्जिंग सपोर्टसह ५,०००एमएएचची बॅटरी देण्यात आली आहे.
कॅमेरा सेटअप पाहता Edge 50 Fusion च्या मागे ५० मेगापिक्सलचा प्रायमरी कॅमेरा आणि १३ मेगापिक्सलचा अल्ट्रा-वाइड-अँगल कॅमेरा आहे. तसेच फ्रंटला ३२ मेगापिक्सलचा सेल्फी कॅमेरा आहे. कनेक्टिव्हिटी ऑप्शन्समध्ये ५जी, ४जी, वाय-फाय, जीपीएस, ए-जीपीएस, ग्लोनास, गॅलीलियो, क्यूझेडएसएस, एनएफसी, ब्लूटूथ ५.२ आणि यूएसबी टाइप-सी पोर्टचा समावेश आहेत. यात Edge 50 Ultra सारखे बायोमेट्रिक सेन्सर आणि आयपी रेटिंग देण्यात आली आहे.