Samsung Neo QLED 8K, Neo QLED 4K आणि OLED TVमधील फिचर्स
सॅमसंगने दिलेल्या माहितीनुसार, Samsung Neo QLED 8K 65 इंच, 75 इंच आणि 85 इंच स्क्रीन साइज मध्ये उपलब्ध असेल, शिवाय Neo QLED 4K 55 इंच, 65 इंच, 75 इंच, 85 इंच आणि 98 इंच डिस्प्ले साइजमध्ये मिळेल. तसेच, OLED TVला 55 इंच, 65 इंच, 77 इंच आणि 83 इंच साईजमध्ये देखील उपलब्ध आहे.
सुरळीत वापरासाठी, Samsung Neo QLED 8K TV मध्ये NQ8 AI Gen 3 प्रोसेसर आहे. दुसरीकडे, NQ4 AI Gen 2 चिप Neo QLED 4K आणि OLED TV मध्ये उपलब्ध आहे.
AI फीचर्ससह सुसज्ज
Samsungच्या निओ क्यूएलईडी 8के टीव्हीमध्ये पिक्चर टेक्नोलॉजी, AI अपस्केलिंग प्रो, मोशन प्रो, रियल एंड डेप्थ एन्हांसर प्रो, AI कस्टामाइजेशन मोड आणि AI एनर्जी मोड देण्यात आला आहे. सोबतच साऊंड देखील AI टेक्नोलॉजीसह मिळेल. यात AI गेमिंग मोड देखील बघायला मिळेल.
Samsung Neo QLED 4K टीव्हीत 144Hz रिफ्रेश रेट असलेला डिस्प्ले देण्यात आला आहे. गेमिंगसाठी सोयीस्कर असा Motion Xcelerator मिळेल. शिवाय उत्तम ऑडियोसाठी यात Dolby Atmosमुळे, शानदार साउंड मिळणार आहे. सोबतच या टीव्हीमध्ये Samsung TV Plusचा ऍक्सेस देण्यात आला आहे. सुरक्षेसाठी यात Samsung Knox सिक्योरिटी लेयरही देण्यात येईल.
सॅमसंगच्या नवीन स्मार्ट टीव्हीची किंमत
Samsungच्या QLED 8K आणि Neo QLED 4K या टीव्हीची सुरुवातीची किंमत 1,39,000 हजार ते 3,19,990 रुपयांपर्यंत असेल. तसेच कंपनीचा OLED टीव्ही 1,64,990 रुपयांच्या सुरुवातीच्या किमतीत उपलब्ध आहे. आता ऑफर्सबद्दल बोलायचे झाल्यास, ग्राहकांना या टीव्हीच्या खरेदीवर एक साउंडबार मिळेल, ज्याची किंमत 79,990 रुपये आहे. याशिवाय 20 टक्के कॅशबॅकही मिळेल.