कंपनीनं Realme India च्या ऑफिशियल X (Twitter) हँडलवर Realme C65 5G स्मार्टफोन लाँचची माहिती दिली आहे. या फोनचा पहिला टीजर पोस्टर कंपनीनं रिलीज केला आहे. या पोस्टरनुसार, हा फोन भारतात लवकरच लाँच होईल. वर सांगितल्याप्रमाणे टीजर पोस्टरच्या माध्यमातून फोनची प्राइस रेंज देखील लाँचच्या आधी देण्यात आले आहेत.
रियलमीचा हा Realme C65 5G फोन भारतात १० हजारांपेक्षा कमी किंमतीत येईल. सध्या कंपनीनं फोनची लाँच डेट कंफर्म केली नाही आणि याचा फर्स्ट लुक देखील दाखवण्यात आला नाही. रियलमी व्यतिरिक्त, फोन डेडिकेटेड मायक्रोसाइट Flipkart वर देखील लाइव्ह झाला आहे. यावरून संकेत मिळतो की हा फोन खरेदीसाठी Flipkart वर उपलब्ध होईल.
Realme C65 5G चे लीक फीचर्स
Realme C65 5G फोन याआधी लीक्स मध्ये दिसला आहे. लीकच्या माध्यमातून फोनचे अनेक फीचर्स समोर आले आहेत. अशी चर्चा आहे की हा फोन तीन मॉडेल्स मध्ये येईल. ज्यात ४जीबी रॅम, ६जीबी रॅम आणि जीबी रॅम असेल. तसेच, स्टोरेजच्या बाबतीत या फोनमध्ये १२८जीबी स्टोरेज मॉडेलचा समावेश असेल.
तसेच फोन मीडियाटेक डायमेन्सिटी ६३०० प्रोसेसरसह येऊ शकतो. तसेच, फोनमध्ये ग्रीन आणि पर्पल कलर ऑप्शन दिला जाऊ शकतो. फोटोग्राफीसाठी यात ५०एमपीचा बॅक कॅमेरा मिळू शकतो. फोनची बॅटरी ५०००एमएएचची असेल. सध्या फोन संबंधित फक्त इतकीच माहिती ऑनलाइन समोर आली आहे. लवकरच कंपनी फोनची लाँच डेट देखील समोर येईल.