अनेकदा लोक ऑनलाइन स्वस्त आयफोन खरेदी करण्याच्या प्रयत्न करतात. अशा परिस्थितीत काही लोक सेकंड हँड आयफोन खरेदी करण्याचा विचार करतात. यामागील कारण म्हणजे त्याच्या भरमसाट किमतीमुळे आयफोन बहुतेक लोकांच्या बजेटमध्ये बसत नाही. सेकंड हँड डिव्हाईस खरेदी करण्यात काहीही नुकसान नाही बऱ्याच वेळा ही तुमच्यासाठी फायदेशीर डीलही ठरू शकते, परंतु सेकंड हँड आयफोन खरेदी करण्यापूर्वी तुम्ही त्यातील काही गोष्टी तपासल्या पाहिजेत. असे न केल्यास तुमचे मोठे नुकसान होईल व उलट दुरुस्तीसाठी तुम्हाला मोठा आर्थिक भुरदंड बसेल.
पहिल्यांद्या खरेदी केल्याचे बिल तपासा
जेव्हा कधी तुम्ही सेकंड हँड आयफोन खरेदी करत असाल त्यावेळी विक्रेत्याकडे आयफोनचे ओरिजल बिल असल्याची खात्री करा. फोन खरेदी केल्याची योग्य तारीख व इतर डिटेल्स तपासण्यासाठी हे महत्त्वाचे आहे.
असा तपासा सिरिअल नंबर
आयफोनच्या वॉरंटीविषयी जाणून घेण्यासाठी प्रथम आयफोनच्या सेटिंग्जमध्ये जा, जनरल ऑप्शनवर क्लिक करा आणि यानंतर अबाउट पर्यायावर क्लिक करा. तुम्ही आयफोनचा सिरिअल नंबर तपासू शकता. हा नंबर कॉपी करा आणि checkcoverage.apple.com वर टाका व सर्व डिटेल्स तपासून घ्या.
कोणत्याही आयफोनची बॅटरी हेल्थ खूप महत्त्वाची असते. जर आयफोनची बॅटरी हेल्थ 80 टक्क्यांपेक्षा जास्त असेल तर तो फोन विकत घेण्यात काही नुकसान नाही पण जर यापेक्षा कमी असेल तर तुम्हाला खरेदी करण्यापूर्वी विचार करावा लागेल.
आयफोनची बॅटरी हेल्थ तपासण्यासाठी, प्रथम आयफोनच्या सेटिंग्जवर जा, त्यानंतर येथे बॅटरी पर्यायावर क्लिक करा. येथे बॅटरी हेल्थ आणि चार्जिंगच्या ऑप्शनवर क्लिक करा. जर तुम्हाला हा पर्याय उपलब्ध न दिसल्यास हा आयफोन बनावट असेल
सर्व डिटेल्स तपासून घ्या
iPhone मध्ये, सर्व आवश्यक माहिती तुम्हाला सहज तपासता येईल. जसे की, डिस्प्ले अनधिकृत सर्विस सेंटरवर बदलला/दुरुस्त केला गेला आहे की नाही. तपासण्यासाठी, आयफोनच्या सेटिंग्जवर जा, डिस्प्ले आणि ब्राइटनेसवर क्लिक करा, आता तुम्ही ट्रू टोन सुरू करू शकता. जर तुम्ही करू शकत नसाल तर आयफोन दुरुस्त झाल्याची दाट शक्यता आहे.
जर तुम्ही वरील गोष्टी नीट तपासून आयफोन खरेदी केल्यास. तुमचे कोणतेही नुकसान होणार नाही. शिवाय आयफोनची बॉडी देखील नीट तपासून घ्या म्हणजेचे त्यावर काही स्क्रॅचेस व डेंट्स असल्यास तो डिवाईस खरेदी करावा की नाही हा निर्णय तुम्हाला घेता येईल