हायलाइट्स:
- तुमच्या दारातही सेल्समन येत असेल ना?
- या घटनेमुळे तुम्हालाही सतर्क राहण्याची गरज
- आधी वाचा ही बातमी नाहीतर होईल पश्चाताप
भंडारा : सावधान! कोणी अनोळखी इसम दारावर सेल्समेन बनून तांबे, चांदी, सोने चमकविन्याचे प्रोडक्ट घेऊन आला तर सावधान? कारण, सोने चमकवण्याची भूरळ भारी पडू शकते. होय, दुपारच्या वेळेत पुरूष मंडळी घरी नसल्याची संधी साधत दोन भामट्यांनी दागिने चमकविन्याच्या नावावर महिलांचे सोने घेऊन पळ काढ़ल्याची घटना भंडारा तालुक्याच्या भिलेवाड़ा येथे घडली आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
मिळालेल्या माहितीनुसार, सेल्समेन बनून आलेल्या २० ते २१ वयोगटातील भामट्यांनी १८ हजार रूपयांचे दागिणे पळवून नेले आहे. या प्रकरणी कारधा पोलिसांनी गुन्हा नोंद केला आहे. भिलेवाडा येथील सुरभी संदीप गाढवे यांच्या घरी दुपारच्या सुमारास दोन अनोळखी तरुण सेलमेन्स बनून आले. त्यांनी आपण तांबे, चांदी, सोने चमकविन्याचे प्रोडक्ट घेऊन आलो यांची बतावनी करुन सुरूवातीला तांबे, पितळीचे भांडी चमकवून देतो सांगीतले.
भांड्यांनंतर चांदीचे दागिने ही साफ करून परत केले अणि विश्वास बसल्यावर सोन्याचे दागिने मागितले. त्यांच्या बोलण्यावर विश्वास ठेवत यांनी आपली सोन्याची गळसोरी, एक डोरले, चार गण सोन्याचे बारीक मनी व आपल्या जाऊ ची गरसोळी व २४ नग सोन्याचे बारीक मनी त्यांच्या हवाली केले. गैसवर उकळत्या पाण्यात दागिने साफ करावे लागतील असे सांगून मोठ्या चलाखीने त्या भांड्यातले दागिने घेऊन दोघांनी पळ काढला.
काही वेळानंतर आपली फसवणूक झाल्याचे कळल्यावर घरचे पुरुष मंडळी आल्यावर संबधित प्रकार सांगितला. यामुळे उशिरा कारधा पोलिसांत गुन्हा नोंद करण्यात आला आहे. अशाच प्रकारचा एक गुन्हा गोंदिया येथे घडला असून त्याचे सीसीटीवी फुटेज हाती लागले आहे. ज्याचा आधारे पोलीस चोरांचा शोध घेत आहेत. या घटनेनंतर कोणी अनोळखी व्यक्ति दागिने साफ करण्याची बतावनी करीत असेल तर वेळीच सावधान होण्याची गरज आहे.