CMF स्मार्टफोन BIS लिस्टिंग
भारताच्या बीआयएस वेबसाइटवर मॉडेल नंबर ए०१५ सह एक सीएमएफ डिवाइस स्पॉट करण्यात आला आहे. या डेटाबेसवर डिवाइसच्या नावाचा खुलासा झाला नाही परंतु नथिंगच्या सब ब्रँड सीएमएफचा स्मार्टफोन असू शकतो. ए०१५ मॉडेल नंबर आधी नथिंग फोन ३ असेल अशी चर्चा होती परंतु आता हा सीएमएफ ब्रँडिंग अंतगर्त लाँच केला जाऊ शकतो, असं सांगितलं जात आहे. तुम्हाला तर माहित असेल की CMF नं आतापर्यंत बाजारात स्वस्त स्मार्टवॉच, इअरबड्स आणि नेकबँड सादर केले आहेत, त्यामुळे इससे नवीन देखील कमी बजेटमध्ये येण्याची शक्यता नाकारता येत नाही.
CMF स्मार्टफोनचे लीक स्पेसिफिकेशन्स
एका टिपस्टरने एक्स प्लॅटफॉर्मवर नवीन सीएमएफ स्मार्टफोनची कॉन्सेप्ट डिजाइन आणि प्रमुख स्पेसिफिकेशन शेयर केले होते. त्यानुसार, रियर पॅनलवर एक कॅमेरा आणि एलईडी फ्लॅश दिला जाऊ शकतो. हा ब्रश्ड प्लास्टिक बॉडी आणि क्रोम बटनसह येऊ शकतो. याचे ऑरेंज, ब्लॅक आणि व्हाइट कलर ऑप्शन पोस्टमध्ये शेयर करण्यात आले होते.
टिपस्टरनं डिवाइस बाबत सांगितलं होतं की हा ६.२ इंचाचा डिस्प्लेसह असू शकतो. फोनमध्ये युजर्सना परफॉर्मन्ससाठी MediaTek Dimensity 7030 Pro चिपसेट मिळू शकतो. आगामी सीएमएफ फोनमध्ये ६जीबी रॅम व १२८जीबी पर्यंत स्टोरेज दिली जाऊ शकते.
CMF स्मार्टफोनची लीक किंमत
टिपस्टरनं डिवाइसच्या स्पेसिफिकेशनसह संभाव्य किंमत देखील शेयर केली होती, त्यानुसार हा हँडसेट १४९ युरो म्हणजे सुमारे १३,००० रुपयांच्या बजेटमध्ये लाँच होऊ शकतो. परंतु सध्यातरी हा फोन फक्त सर्टिफिकेशनच्या माध्यमातून समोर आला आहे त्यामुळे या सर्व जास्त विश्वास ठेवणं योग्य नाही. याविषयी नवीन माहिती येताच अपडेट केली जाईल.