भोपाळ: गुजरात पाठोपाठ काँग्रेसला मध्य प्रदेशात जोरदार धक्का बसला आहे. इंदूर लोकसभा मतदरासंघाचे काँग्रेसचे उमेदवार अक्षय कांती बम यांनी त्यांचा उमेदवारी अर्ज मागे घेतला आहे. निवडणुकीतून माघार घेतलेल्या बम यांनी भाजपमध्ये प्रवेश केला आहे. भाजपचे वरिष्ठ नेते आणि कॅबिनेट मंत्री कैलाश विजयवर्गीय यांनी याबद्दलची माहिती दिली.
कैलाश विजयवर्गीय यांनी अक्षय बम यांच्यासोबतचा सेल्फी शेअर केला आहे. ‘इंदूरचे काँग्रेस उमेदवार अक्षय कांती बम यांचं पंतप्रधान नरेंद्र मोदी, राष्ट्रीय अध्यक्ष जे. पी. नड्डा, मुख्यमंत्री डॉ. मोहन यादव आणि प्रदेशाध्यक्ष व्ही. डी. शर्मांच्या नेतृत्त्वात स्वागत आहे,’ अशी पोस्ट विजयवर्गीय यांनी एक्सवर केली.
इंदूर लोकसभेच्या जागेसाठी २५ एप्रिलपर्यंत उमेदवारी अर्ज दाखल करण्यात आले. २९ एप्रिल ही अर्ज भरण्याची शेवटची तारीख आहे. काँग्रेसला कोणताही मागमूस लावण्यापूर्वी विजयवर्गीय यांनी अक्षय बम यांचा भाजप प्रवेश घडवून आणला. इंदूरमध्ये १३ मे रोजी मतदान होणार आहे. ४ जूनला निकाल जाहीर होईल.
मिनी मुंबई म्हणून ओळखल्या जाणाऱ्या इंदूर लोकसभा मतदारसंघातून अक्षय कांती बम यांनी २४ एप्रिलला अर्ज दाखल केला होता. त्यात त्यांनी स्वत:कडे ५७ कोटी रुपयांची संपत्ती असल्याची माहिती दिली होती. आपल्याकडे कोणतीही कार नसल्याचं त्यांनी अर्जात म्हटलं होतं. विशेष म्हणजे त्यांच्याकडे असलेल्या घड्याळ्याची किंमत १४ लाख रुपये इतकी आहे.
कैलाश विजयवर्गीय यांनी अक्षय बम यांच्यासोबतचा सेल्फी शेअर केला आहे. ‘इंदूरचे काँग्रेस उमेदवार अक्षय कांती बम यांचं पंतप्रधान नरेंद्र मोदी, राष्ट्रीय अध्यक्ष जे. पी. नड्डा, मुख्यमंत्री डॉ. मोहन यादव आणि प्रदेशाध्यक्ष व्ही. डी. शर्मांच्या नेतृत्त्वात स्वागत आहे,’ अशी पोस्ट विजयवर्गीय यांनी एक्सवर केली.
इंदूर लोकसभेच्या जागेसाठी २५ एप्रिलपर्यंत उमेदवारी अर्ज दाखल करण्यात आले. २९ एप्रिल ही अर्ज भरण्याची शेवटची तारीख आहे. काँग्रेसला कोणताही मागमूस लावण्यापूर्वी विजयवर्गीय यांनी अक्षय बम यांचा भाजप प्रवेश घडवून आणला. इंदूरमध्ये १३ मे रोजी मतदान होणार आहे. ४ जूनला निकाल जाहीर होईल.
मिनी मुंबई म्हणून ओळखल्या जाणाऱ्या इंदूर लोकसभा मतदारसंघातून अक्षय कांती बम यांनी २४ एप्रिलला अर्ज दाखल केला होता. त्यात त्यांनी स्वत:कडे ५७ कोटी रुपयांची संपत्ती असल्याची माहिती दिली होती. आपल्याकडे कोणतीही कार नसल्याचं त्यांनी अर्जात म्हटलं होतं. विशेष म्हणजे त्यांच्याकडे असलेल्या घड्याळ्याची किंमत १४ लाख रुपये इतकी आहे.
अक्षय कांती बम यांच्याकडे ८.५० कोटी रुपयांची जंगम आणि ४६.७८ कोटी रुपयांची स्थावर मालमत्ता आहे. ते पेशानं व्यावसायिक आहेत. त्यांचं वार्षिक उत्पन्न २.६३ कोटी रुपये आहे. त्यांच्याकडे ४१ किलो चांदी आणि २७५ ग्रॅम सोनं आहे. बम यांचं शिक्षण इंदूरच्या डेली कॉलेजमधून झालं आहे. मुंबईच्या सिडनहॅम कॉलेज ऑफ कॉमर्स अँड इकॉनॉमिक्समधून त्यांनी बीकॉम केलं आहे. त्यानंतर त्यांनी इंदूरच्या पीएमबी ऑर्ट अँड लॉ कॉलेजमधून एलएलबीची पदवी घेतली.