हायलाइट्स:
- गेल्या २४ तासांत राज्यात ३ हजार २०६ नवीन रुग्णांचे निदान झाले आहे.
- गेल्या २४ तासांमध्ये एकूण ३ हजार २९२ करोना बाधित रुग्ण बरे होऊन घरी गेले आहेत.
- आज राज्यात एकूण ३६ करोना बाधित रुग्णांचा मृत्यू झाला आहे.
मुंबई: राज्यात कालच्या तुलनेत आज करोना (Coronavirus) बाधित मृतांच्या सख्येत मोठी घट पाहायला मिळाली आहे. तसेच दैनंदिन रुग्णसंख्येत देखील घट झाली आहे. शिवाय कालच्या तुलनेत एकूण सक्रिय रुग्णांची संख्या देखील घटल्याने राज्यातील करोना संसर्गाची आजची स्थिती दिलासादायक आहे. तर दिवसभरात बरे होणाऱ्या रुग्णांची संख्या मात्र कालच्या तुलनेच किंचित घटली आहे. राज्याच्या आरोग्य विभागाने दिलेल्या माहितीनुसार, आज दिवसभरात राज्यात ३ हजार २०६ इतक्या नव्या रुग्णांची नोंद झाली आहे. काल ही संख्या ३ हजार २७६ इतकी होती. तर आज दिवसभरात एकूण ३ हजार २९२ रुग्ण बरे होऊन घरी गेले आहेत. काल ही संख्या ३ हजार ७२३ इतकी होती. तर, आज ३६ रुग्णांचा मृत्यू झाला. काल ही संख्या ५८ इतकी होती. (maharashtra registered 3206 new cases in a day with 3292 patients recovered and 36 deaths today)
आज राज्यात झालेल्या ३६ रुग्णांच्या मृत्यूंनंतर राज्याच्या मृत्यूदर २.१२ टक्क्यांवरच स्थिर आहे. याबरोबर राज्यात आतापर्यंत एकूण ६३ लाख ६४ हजार ०२७ रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९७.२४ टक्के इतके झाले आहे.
क्लिक करा आणि वाचा- अजित पवारांनी ऐकले नाही तर त्यांना सांगावे लागेल; राऊत यांचा राष्ट्रवादीला सूचक इशारा
राज्यातील एकूण सक्रिय रुग्णांची संख्या आणखी घटली
आज राज्यातील एकूण सक्रिय रुग्णांची संख्या ३७ हजार ८६० इतकी आहे. या बरोबरच राज्यातील सक्रिय रुग्णांचा जिल्हानिहाय विचार करता पुणे जिल्ह्यात सक्रिय रुग्णांची संख्या सर्वाधिक आहे. पुणे जिल्ह्यात हा आकडा ९ हजार ३८६ इतका आहे. ठाणे जिल्ह्यात ही संख्या ५ हजार ८६२ आहे. अहमदनगरमध्ये ही संख्या ४ हजार ९३५ अशी आहे. त्या खालोखाल साताऱ्यात ही संख्या २ हजार ५७० वर आहे. तर, सांगलीत एकूण १ हजार ४८७ आहे. तसेच, सोलापुरात ही संख्या १ हजार ८७२ इतकी आहे.
क्लिक करा आणि वाचा- उत्तर सोलापूर तालुक्याला पावसाचा मोठा तडाखा; घरे पाण्यात, तर शेतीचे प्रचंड नुकसान
मुंबईत आज उपचार घेत आहेत ५,२७८ रुग्ण
मुंबई महापालिका हद्दीत सक्रिय रुग्णांच्या संख्या ५ हजार १६६ इतकी आहे. तर, रत्नागिरीत ६८७ इतकी आहे आहे, सिंधुदुर्गात ७०७, नाशिकमध्ये सक्रिय रुग्णांची संख्या १ हजार ०१० इतकी आहे.
धुळे जिल्ह्यात एक सक्रिय रुग्ण
या बरोबरच, औरंगाबादमध्ये ५०२, नागपूर जिल्ह्यात ही संख्या १४१ इतकी वाढली आहे. अमरावतीत ही संख्या ९७ वर आली आहे. तर नंदुरबारमध्ये सर्वात कमी ३ सक्रिय रुग्ण आहेत.
क्लिक करा आणि वाचा- त्रिसदस्यीय प्रभाग पद्धतीमुळे पक्षीय राजकारणाला बळ मिळणार; गृहराज्यमंत्री सतेज पाटील यांचे मत
२,६१,०७२ व्यक्ती होम क्वारंटाइन
आतापर्यंत तपासण्यात आलेल्या ५ कोटी ८१ लाख ५८ हजार प्रयोगशाळा नमुन्यांपैकी ६५ लाख ४४ हजार ३२५ (११.२५ टक्के) नमुने पॉझिटिव्ह आले आहेत. सध्या राज्यात २ लाख ६१ हजार ०७२ व्यक्ती होमक्वारंटाइनमध्ये आहेत. तर, १ हजार ५१५ व्यक्ती संस्थात्मक क्वारंटाइनमध्ये आहेत.