AC प्रमाणे भिंतीवर लावता येतो हा कुलर, कमी वीज वापरून देतो थंडगार हवा

उन्हाळा आता संपत जरी असला तरी दाह काही कमी झालेला नाही. त्यामुळे जर तुम्ही एखादा कुलर शोधत असाल तर तुम्हाला आम्ही काही नवीन ऑप्शन सांगणार आहोत. ज्याला तुम्ही AC Cooler असं देखील म्हणून शकता. कारण हा ठेवण्यासाठी तुम्हाला जमिनीवर जागा करण्याची देखील गरज नाही. हा सहज भिंतीवर लावता येतो. एकदा भिंतीवर लावल्यावर तुम्ही हा रिमोटनी कंट्रोल करू शकता. चला जाणून घेऊया याच्या फीचर्ससह किंमतची माहिती.

Symphony Cloud Air Cooler

हा Symphony चा कुलर आहे त्यावरून तुम्हाला याच्या क्वॉलिटीची अंदाज आलाच असेल. तसेच कुलिंग कशी मिळेल याचा देखील अंदाज तुम्ही लावला असेल. तसेच हा कुलर घेतल्यानंतर विजेची बचत देखली होईल, असा देखील दावा कंपनीनं केला आहे. विशेष म्हणजे कमी वीज वापरून देखील चांगली कुलिंग देण्याचा दावा करण्यात आला आहे. तसेच एकदा हा फिट केल्यानंतर तुम्हाला जास्त टेन्शन घेण्याची गरज नाही. यात वॉटर टँक देखील देण्यात आला आहे, ज्यात तुम्ही पाणी ठेवू शकता.

फीचर्स

आता पाहूया याचं वेगळेपण काय आहे. विशेष म्हणजे तुम्ही यात एसी प्रमाणे टायमर सेट करू शकता. तसेच कंपनीचा दावा आहे की ३०० स्क्वेअर फुटाच्या खोलीसाठी देखील फक्त एकच कुलर पुरेसा आहे. व्हाइट कलरमुळे तुम्हाला प्रीमियम लुक देखील मिळतो. १५ लीटर टँक कपॅसिटी देखील दिली जाते ज्यात तुम्ही पाणी भरू शकता आणि तुमच्या सोयीनुसार कुलिंग सेट करू शकता.

या एसी सारख्या कुलरमध्ये ऑटो कुलिंग फीचर देण्यात आलं आहे. एकदा पाणी टाकल्यानंतर हा मर्यादित पाण्याचा वापर करतो. म्हणजे तुम्हाला वारंवार पाणी फिल करण्याची गरज पडत नाही. हा फिट करण्यासाठी तुम्हाला इंजीनियरची मदत घ्यावी लागेल. ऑटो क्लीन फंक्शन देखील तुम्हाला यात मिळेल. मॅजिक फिलच्या मदतीनं हा पाणी घेत राहतो आणि एसी प्रमाणे इंडोर यूनिटमधून तुम्हाला कुलिंग मिळत राहते. हा खरेदी करण्यासाठी तुम्हाला सुमारे १४ हजार रुपये खर्च करावे लागतील.