८ हजारांच्या फोनमध्ये Vivo काय देत आहे? असे आहेत Vivo Y18eचे फीचर्स

Vivo नं आपल्या लोकप्रिय वाय सीरिजचा विस्तार केला आहे. कंपनीनं भारतात Vivo Y18 आणि Vivo Y18e लाँच केले आहेत. यातील वाय१८ ची किंमत ८,९९९ रुपयांपासून सुरु होते. तर विवो वाय१८ई ची किंमत ८ हजारांच्या आत ठेवण्यात आली आहे. हा कंपनीचा बजेट फ्रेंडली स्मार्टफोन आहे चला जाणून घेऊया इतक्या कमी किंमतीत विवो नेमके कोणते फीचर्स देत आहे.

Vivo Y18eची किंमत

विवो वाय१८ई ची किंमत ७,९९९ रुपये ठेवण्यात आली आहे. ही फोनच्या एकमेव व्हेरिएंटची किंमत आहे ज्यात ४जीबी रॅमसह ६४जीबी स्टोरेज देण्यात आली आहे. हा फोन दोन कलर व्हेरिएंटमध्ये भारतीय बाजारात आला आहे. हा नवीन विवो फोन Space Black आणि Gem Green कलरमध्ये विकत घेता येईल.

Vivo Y18eचे स्पेसिफिकेशन्स

Vivo Y18e मध्ये ६.५६ इंचाचा डिस्प्ले मिळतो. ही एलसीडी स्क्रीन एचडी (१६१२ × ७२० पिक्सल) रेजोल्यूशनला सपोर्ट करते. तसेच यात ९०हर्ट्झ रिफ्रेश रेट आणि ५२८निट्स ब्राइटनेस मिळते. हा ड्रॉप नॉच डिजाइन असलेला पॅनल आहे. डिस्प्लेच्या वरच्या बाजूला असलेल्या नॉचमध्ये सेल्फी कॅमेरा देण्यात आला आहे. विवो वाय१८ई स्मार्टफोन अँड्रॉइड आधारित ओएस १४ वर चालतो. या फोनमध्ये मीडियाटेक हीलियो जी८५ ऑक्टाकोर प्रोसेसर हा एक १२एनएम फॅब्रिकेशन प्रोसेसवर बनलेला चिपसेट आहे, जो २.०गीगाहर्ट्झ पर्यंतच्या क्लॉक स्पीडवर चालतो.

Vivo Y18e ४जीबी रॅमसह बाजारात आला आहे. परंतु एक्सटेंडेड रॅम फिचरच्या मदतीनं ४जीबी अतिरिक्त रॅम देखील मिळवता येतो. म्हणजे एकूण ८जीबी रॅमची ताकद हा फोन देतो. हा डिव्हाइस एलपीडीडीआर४एक्स रॅम आणि ईएमएमसी ५.१ रोमसह बाजारात आला आहे. यातील स्टोरेज १टीबी पर्यंत मायक्रोएसडी कार्डच्या मदतीनं वाढवता येते. विवो वाय१८ई च्या ड्युअल कॅमेरा सेटअप देण्यात आला आहे. ज्यात एलईडी फ्लॅशसह १३ मेगापिक्सलचा मुख्य कॅमेरा देण्यात आला आहे, सोबतीला ०.०८ मेगापिक्सलची सेकंडरी लेन्स आहे. तसेच Vivo Y18e मध्ये ५ मेगापिक्सलचा सेल्फी कॅमेरा देखील मिळतो.

विवो वाय१८ई आयपी५४ रेटिंगसह सादर करण्यात आला आहे. सिक्योरिटीसाठी या फोनमध्ये फक्त फेस अनलॉक फीचर आहे. या ४जी फोनमध्ये बेसिक कनेक्टिव्हिटी फीचर्स मिळतात. पावर बॅकअपसाठी या नव्या विवो फोनमध्ये ५,०००एमएएचची बॅटरी देण्यात आली आहे. तसेच ही मोठी बॅटरी फास्ट चार्ज करण्यासाठी १५वॉट फास्ट चार्जिंगचा सपोर्ट मिळतो.

Source link

vivovivo phonevivo y18eविवोविवो फोनविवो मोबाइलविवो वाय१८ई
Comments (0)
Add Comment