सेवा मोफत, पण कोट्यवधींची कमाई…
Google च्या बऱ्याच सेवा विनामूल्य वापरण्यासाठी उपलब्ध आहेत. मात्र असे असतानाही कंपनी दर मिनिटाला कोट्यवधी रुपये कमवते, कसे, असा प्रश्न उपस्थित होत आहे. क्षणोक्षणी अपडेट्स ठेवणाऱ्या गुगलकडे कमाईचे अनेक प्रमुख स्रोत आहेत.
प्रथम- कंपनी अशा अनेक पेड सेवा देते ज्यासाठी ते युजर्सकडून पैसे चार्ज करतात. मात्र, सामान्य यूजर्सना या फिचर्सची गरज भासत नाही.
दुसरे- ऑनलाइन एखादी गोष्ट स्क्रोल करताना किंवा वाचताना आपल्याला अनेक जाहिराती येतात. या जाहिराती दाखवण्यासाठी कंपनी जाहिरातदाराकडून चांगली किंमत आकारते.
तिसरे- Google च्या एकूण उत्पन्नापैकी बराचसा भाग Google क्लाउड सेवा आणि प्रीमियम कंटेंटमधून मिळतो. या सुविधा मिळवण्यासाठी युजर्सला हजारो रुपये मोजावे लागतात.
YouTube पेड सबस्क्रिप्शन- YouTube हे Google च्या उत्पन्नाचे मुख्य स्त्रोत आहे. तुम्ही म्हणाल की यूट्यूब सुद्धा मोफत वापरला जाते. ते अगदी बरोबर आहे. पण यूट्यूबवर पेड सबस्क्रिप्शनचा पर्यायही उपलब्ध आहे. यामध्ये तुम्ही ॲड फ्री कंटेंट वापरू शकता आणि यासाठी तुम्हाला पैसे द्यावे लागतील. यातून गुगलला अब्जावधींची कमाई होते.
मीडिया रिपोर्ट्सनुसार, गुगल प्रत्येक मिनिटाला 2 कोटी रुपयांहून अधिक कमावते. हा आकडा जास्तही असू शकतो. शेवटी, तुम्हाला जाणून आश्चर्य वाटेल की Google Search मधून सर्वाधिक उत्पन्न मिळवते.
अप्रतिम व्यवसायाचे मॉडेल
लॅरी पेज आणि सर्गे ब्रिन यांनी 1998 मध्ये सुरू केलेली ही कंपनी स्वतःच्या वेगळ्या बिझनेस मॉडेलवर काम करते, जी Google कडे पैसे कमवण्याचे एकच नाही तर अनेक मार्ग असल्याचे दर्शविते. कंपनीने 2004 मध्ये IPO आणला होता, त्यावेळी त्याची किंमत 85 डॉलर होती, सुरुवातीच्या टप्प्यातच Google ने त्यातून चांगली कमाई केली होती.
कंपनी स्मार्टफोनही बनवते
गुगल स्मार्टफोन मार्केटमध्येही सक्रियपणे काम करत आहे. कंपनीची पिक्सेल मालिका खूप लोकप्रिय आहे. कंपनीच्या Pixel सीरीजमध्ये AI फीचर्स देखील देण्यात आले आहेत.