म. टा. विशेष प्रतिनिधी नवी दिल्ली : लोकसभा निवडणुकीत राजधानीतील सातही जागा जिंकण्याचीहैट्रिक करण्यास उत्सुक असलेल्या भारतीय जनता पक्षाच्या स्टार प्रचारकांच्या यादीत पंतप्रधान नरेंद्र मोदी, केंद्रीय गृहमंत्री अमित शहा यांच्यासह दिग्गजांची जी फौज उतरणार आहे, त्यात केंद्रीय मंत्री नितीन गडकरी व उपमुख्यमंत्री देवेंद्र फडणवीस यांचीही नावे आहेत.
लोकसभा निवडणुकीत दिल्लीसाठी भाजपने जाहीर केलेल्या स्टार प्रचारकांच्या यादीत ४० नेत्यांची नावे आहेत. भाजपाध्यक्ष जे. पी. नड्डा, उत्तर प्रदेशचे मुख्यमंत्री योगी आदित्यनाथ, संरक्षणमंत्री राजनाथ सिंह, आसामचे मुख्यमंत्री हिमंता बिस्व सरमा, काँग्रेसमधून अलीकडेच भाजपमध्ये आलेले अरविंदसिंग लवली, पीयूष गोयल, हरदीपसिंग पुरी, स्मृती इराणी, अर्जुन राम मेघवाल, मध्य प्रदेशचे मुख्यमंत्री डॉ. मोहन यादव, उत्तराखंडचे मुख्यमंत्री पुष्करसिंह धामी आदींची नावे आहेत. ज्या विद्यमान सहा खासदारांची तिकिटे कापली, त्यातील पाच जणांची नावेही यात आहेत. हंसराज हंस यांना भाजपने पंजाबमधून उमेदवारी दिल्याने त्यांचे नाव दिल्ली प्रचारकांच्या यादीत नाही.
दिल्लीत लोकसभेच्या सात जागांसाठी सहाव्या टप्प्यात २५ मे रोजी मतदान होणार आहे. चांदनी चौक, उत्तर पूर्व दिल्ली, दिल्ली पूर्व, नवी दिल्ली, दक्षिण दिल्ली, ईशान्य व वायव्य दिल्ली आणि पश्चिम दिल्ली या साऱ्या जागा २०१४ व २०१९च्या लोकसभा निवडणुकीत भाजपने जिंकल्या होत्या. यावेळी भाजपने भोजपुरी अभिनेते मनोज तिवारी वगळता सातपैकी सहा जागांवर नवे चेहरे उभे केले आहेत. ईशान्य दिल्लीत तिवारी यांची लढत काँग्रेसचे कन्हैयाकुमार यांच्याशी आहे. आम आदमी पक्ष आणि काँग्रेसच्या इंडिया आघाडीत काँग्रेसने तीन तर आपने चार जागांवर आपले उमेदवार उभे केले आहेत.
लोकसभा निवडणुकीत दिल्लीसाठी भाजपने जाहीर केलेल्या स्टार प्रचारकांच्या यादीत ४० नेत्यांची नावे आहेत. भाजपाध्यक्ष जे. पी. नड्डा, उत्तर प्रदेशचे मुख्यमंत्री योगी आदित्यनाथ, संरक्षणमंत्री राजनाथ सिंह, आसामचे मुख्यमंत्री हिमंता बिस्व सरमा, काँग्रेसमधून अलीकडेच भाजपमध्ये आलेले अरविंदसिंग लवली, पीयूष गोयल, हरदीपसिंग पुरी, स्मृती इराणी, अर्जुन राम मेघवाल, मध्य प्रदेशचे मुख्यमंत्री डॉ. मोहन यादव, उत्तराखंडचे मुख्यमंत्री पुष्करसिंह धामी आदींची नावे आहेत. ज्या विद्यमान सहा खासदारांची तिकिटे कापली, त्यातील पाच जणांची नावेही यात आहेत. हंसराज हंस यांना भाजपने पंजाबमधून उमेदवारी दिल्याने त्यांचे नाव दिल्ली प्रचारकांच्या यादीत नाही.
दिल्लीत लोकसभेच्या सात जागांसाठी सहाव्या टप्प्यात २५ मे रोजी मतदान होणार आहे. चांदनी चौक, उत्तर पूर्व दिल्ली, दिल्ली पूर्व, नवी दिल्ली, दक्षिण दिल्ली, ईशान्य व वायव्य दिल्ली आणि पश्चिम दिल्ली या साऱ्या जागा २०१४ व २०१९च्या लोकसभा निवडणुकीत भाजपने जिंकल्या होत्या. यावेळी भाजपने भोजपुरी अभिनेते मनोज तिवारी वगळता सातपैकी सहा जागांवर नवे चेहरे उभे केले आहेत. ईशान्य दिल्लीत तिवारी यांची लढत काँग्रेसचे कन्हैयाकुमार यांच्याशी आहे. आम आदमी पक्ष आणि काँग्रेसच्या इंडिया आघाडीत काँग्रेसने तीन तर आपने चार जागांवर आपले उमेदवार उभे केले आहेत.