iPad Air आणि iPad Proची किंमत
कंपनीनं iPad Air च्या ११ इंच मॉडेलची किंमत ५९,९०० रुपये ठेवली आहे. तसेच. १३ इंच मॉडेल ७९,९०० रुपयांमध्ये सादर करण्यात आला आहे. याची प्री-बुकिंग आज पासून सुरु झाली आहे, तर १५ मेपासून सुरु होईल. iPad Pro च्या ११ इंच मॉडेलची किंमत ९९,९९९ रुपये आहे. तसेच, १३ इंच मॉडेल १,२९,९९० रुपयांमध्ये सादर करण्यात आला आहे. यांची प्री-बुकिंग आजपासून सुरु झाली आहे.
iPad Air
Apple iPad Air आता कंपनीनं ११ इंच आणि १३ इंच स्क्रीन साइज मध्ये सादर केला आहे. हे दोन्ही LED डिस्प्ले आहेत. तसेच यात Apple M2 chip मिळते. सोबतीला १२८जीबी, २५६जीबी, ५१२जीबी आणि १टीबी स्टोरेज ऑप्शन मिळतात. व्हिडीओ कॉलिंगसाठी यात १२एमपीचा प्रायमरी कॅमेरा देण्यात आला आहे. सेल्फीसाठी देखील १२एमपी फ्रंट कॅमेरा मिळतो. चार्जिंगसाठी यात USB‑C चा सपोर्ट देण्यात आला आहे. यात चार कलर ऑप्शन ब्लू, पर्पल, स्टारलाइट आणि स्पेस ग्रे सादर करण्यात आले आहेत.
iPad Pro
iPad Pro देखील ११ इंच आणि १३ इंच साइजमध्ये आले आहेत, यात OLED स्क्रीन आहे. हे मॉडेल्स नवीन M4 चिपसह सादर करण्यात आला आहे. M4 चिपसह येणारा हा पहिला डिवाइस आहे. कंपनीचा दावा आहे की हे चिप जुन्या चिपच्या तुलनेत ५० टक्के फास्ट आहे. दोन्ही मॉडेल्स मध्ये २५६जीबी, ५१२जीबी, १टीबी व २टीबी स्टोरेज ऑप्शन मिळतात.
हे दोन्ही ५.१मिमी पातळ आहेत. विशेष म्हणजे हे iPod Nano पेक्षा देखील जास्त पातळ आहेत. कंपनीनं हे स्पेस ग्रे आणि ब्लॅक कलर ऑप्शनमध्ये सादर केले आहेत. फोटोग्राफीसाठी यात १२एमपीचा प्रायमरी कॅमेरा देण्यात आला आहे. तसेच, सेल्फी व व्हिडीओ कॉलिंगसाठी यात १२एमपीचा फ्रंट कॅमेरा मिळतो. कनेक्टिव्हिटीसाठी यात USB-C चार्जिंग सपोर्ट मिळतो. ऑडियोसाठी यात ४ स्पिकर्स आहे. तसेच हे iPadOS 17 वर चालतात.