मुजफ्फरनगरच्या भौराकला परिसरात राहणारे निशा आणि विपिन (वय २२) यांच्यामध्ये प्रेम संबंध होते. जेव्हा कुटुंबीयांना याची माहिती मिळाली तेव्हा त्यांच्या भेटण्यावर बंदी घालण्यात आली. पण, निशा आणि विपिन हे सोबत राहण्यावर अडलेले होते. याचदरम्यान, दोघेही घरातून पळून गेले आणि त्यांनी एकत्र विष घेत आपलं आयुष्य संपवलं.
मुजफ्फरनगर पोलिसांनुसार, प्रेमी युगुलाने हे टोकाचं पाऊल यासाठी उचलले कारण त्यांच्या कुटुंबीयांना त्यांचं नातं मान्य नव्हतं. पण, त्यांना एकत्र राहायचं होतं. सध्या प्राथमिक तपासात त्यांनी आत्महत्या केल्याची माहिती समोर आली आहे. नातेवाईकांची चौकशी सुरु आहे. मृतदेहांना पोस्टमार्टमसाठी पाठवण्यात आलं आहे.
पोलिसांनी दिलेल्या माहितीनुसार, विष घेण्यापूर्वी विपिन कुमार (वय २२) आणि निशा आपल्या घरातून पळून गेले होते. त्यांना रुग्णालयात नेण्यात आलं जिथे डॉक्टरांनी त्यांना मृत घोषित केलं. सध्या पोलिस याचा तपास करत आहेत.
मृत प्रेमी युगुलाच्या नातेवाइकांनी सांगितलं की हे तरुण-तरुणी आपल्या घरुन बाहेर जात असल्याचं सांगून निघाले होते. त्यानंतर ते दोघे गावाबाहेर भेटले आणि त्यांनी एका निर्जन ठिकाणी जाऊन विष प्राशण केलं. जेव्हा आसपासच्या शेतात काम करणाऱ्या लोकांनी त्यांना पाहिलं तेव्हा त्यांनी पोलिसांना याची माहिती दिली. मग रुग्णवाहिकेला तात्काळ पाचारण करण्यात आलं. पण, रुग्णालयात डॉक्टरांनी त्यांना मृत घोषित केलं.