खाली येण्याऐवजी लिफ्ट वेगात वर; २५ व्या मजल्याचं छत तोडलं, घटनेनं परिसरात खळबळ

नोएडा: गगनचुंबी इमारतींमध्ये लिफ्ट दुर्घटना वाढू लागल्या आहेत. नोएडामध्ये असे प्रकार वारंवार घडत असतात. सेक्टर १३७ मधील पारस टिएरा सोसायटीत एक मोठा अपघात झाला आहे. टॉवर ५ मधील लिफ्ट चौथ्या मजल्यावर नादुरुस्त झाली. लिफ्टमध्ये असलेले रहिवासी बाहेर पडण्याच्या तयारीत असताना लिफ्टचे ब्रेक फेल झाले. ब्रेक फेल झालेली लिफ्ट थेट २५ व्या मजल्यावर पोहोचली.

लिफ्टनं टॉप फ्लोअरचे छत तोडलं. या दुर्घटनेत लिफ्टमधील तीन जण जखमी झाले. या घटनेनंतर सोसायटीत दहशतीचं वातावरण आहे. सोसायटीच्या रहिवाशांनी दिलेल्या माहितीनुसार, टॉवर-५ ची लिफ्ट चौथ्या मजल्यावर बंद पडली. त्यामुळे आत अडकलेल्या रहिवाशांनी बाहेर पडण्याचा प्रयत्न केला. पण लिफ्टचे ब्रेक फेल झाले आणि ती अतिशय वेगात वर जाऊ लागली. लिफ्ट २५ व्या मजल्यावर पोहोचली. लिफ्टनं वरच्या मजल्यावरील छत तोडलं.
भयंकर! धावती बुलेट पेटली, आग विझवताना स्फोट; मदतीला धावलेले अक्षरश: उडाले, एकाचा मृत्यू
दुर्घटनेत लिफ्टचं प्रचंड नुकसान झालं. अनियंत्रित लिफ्ट टॉवरचं छत तोडून वर गेली. लिफ्टमधील तीन जण जखमी झाले. त्यात दोन महिला आणि एका पुरुषाचा समावेश आहे. जखमींना तातडीनं जवळच्या रुग्णालयात दाखल करण्यात आलं. घटनेची माहिती मिळताच सोसायटीतील सगळे रहिवासी जमले. टॉवरमधील दोन्ही लिफ्ट बंद करण्यात आल्या. यानंतर रहिवाशांनी जिन्याचा वापर सुरु केला.
उन्हाळी सुट्टीत प्रवाशांना दिलासा; अटलसेतूवरुन शिवनेरीच्या १५ नव्या फेऱ्या, प्रवासवेळेत मोठी बचत
दुर्घटनेची माहिती मिळताच नोएडा पोलीस सोसायटीत पोहोचले. घटनेचा तपास सुरु असल्याचं पोलिसांनी सांगितलं. दोषींविरोधात कारवाई केली जाईल असं पोलीस म्हणाले. तांत्रिक बिघाडामुळे लिफ्ट पटकन खाली आली आणि मग वर गेली. लिफ्टमधील सगळे जण सुरक्षित आहेत, असं पोलिसांनी सांगितलं.